Ný og endurbætt dvalardeild HSB formlega opnuð
Ný og endurbætt dvalardeild Heilbrigðisstofnunarinnar á Blönduósi var formlega tekin í notkun laugardaginn 20. júlí s.l. en verkið fólst í endurnýjun annarar álmu dvalardeildarinnar. Eins og flestir Húnvetningar vita þá er sá helmingur hússins sem hýsir dvalardeildina kominn á sextugsaldurinn og því löngu tímabært að færa aðstöðuna þar til nútímans.
Framkvæmdunum, sem unnar voru í vetur og vor, má skipta í þrjá verkhluta. Fyrst skal talin endurnýjun á salernum og baðaðstöðu ásamt því að herbergi vistmanna voru stækkuð og skipt var um hurðir, gólfefni og innréttingar. Næst var gerð flóttaleið frá fjórðu hæð til að uppfylla kröfur um eldvarnir og í þriðja lagi voru gluggar endurnýjaðir.
Frá vígslu dvalardeildarinnar. Ljósm. www.hsb.is
Þegar farið er í svona viðamiklar framkvæmdir eru allar lagnir endurnýjaðar líka s.s. vatns- og frárennslislagnir, hita-, síma- og raflagnir auk tölvulagna, bruna- og bjöllukerfis. Endanlegur kostnaður við verkið liggur ekki fyrir en verður nálægt 40 milljónum.
Frá vígslu dvalardeildarinnar. Ljósm. www.hsb.is
Aðalverktaki við verkið var Stígandi ehf. á Blönduósi ásamt fjölda undirverktaka s.s. pípara, rafvirkja og málara en verkið var unnið meira og minna af heimamönnum. Hönnun og umjón verksins var í höndum Ráðbarðs ehf. en framkvæmda- og ábyrgðaraðili verksins var Fasteignir ríkisins.
Frá vígslu dvalardeildarinnar. Ljósm. www.hsb.is
Við vígsluna flutti Valbjörn Steingrímsson, forstjóri HSB, ávarp en að því loknu tók Guðbjartur Hannesson alþingismaður og fyrrverandi Velferðarráðherra fh. Heiðbrigðisráðherra Kristjáns Þórs Júlíussonar hina nýju endurbættu álmu í notkun. Að vígslunni lokinni var boðið upp á kaffi og meðlæti. Húni.is segir frá þessu.
Frá vígslu dvalardeildarinnar. Ljósm. www.hsb.is
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
