Nýprent fékk rekstarstuðning vegna Feykis
Í frétt á RÚV segir af því að 25 einkareknir fjölmiðlar hafi fengið rekstrarstuðning árið 2022. Úthlutunarnefnd veitti þremur fjölmiðlaveitum; Árvakri, Sýn og Torgi, hæstu úthlutunarupphæðina, tæplega 67 milljónir. Þessar þrjár veitur hlutu því rúmlega 200 milljónir af þeim tæpu 381 milljón sem úthlutað var. Nýprent á Sauðárkróki, sem gefur út Feyki og heldur úti Feykir.is, fær stuðning sem nemur 4.249.793 kr.
Feykir kemur út 48 sinnum á ári, stútfullur af efni tengdu Norðurlandi vestra, og þá er vefurinn uppfærður daglega og má áætla að þar birtist yfir 2000 fréttir, viðtöl, dægurefni, aðsendar greinar og tilkynningar yfir árið.
Í tilkynningu frá Fjölmiðlanefnd kemur fram að 28 umsóknir um fjölmiðlastyrk hafi borist en af þeim hafi þremur verið synjað en þær uppfylltu ekki öll skilyrði fyrir rekstrarstuðningi. Til úthlutunar voru 380.962.196 krónur en fleiri sóttu um styrk nú en í fyrra en þá fengu nítján fjölmiðlaveitur úthlutað úr sjóðnum.
Eftirfarandi fjölmiðlaveitur fengu styrk fyrir árið 2022:
- Árvakur hf.: 66.767.227 kr.
- Birtíngur útgáfufélag ehf.: 13.207.817 kr.
- Bændasamtök Íslands: 16.756.577 kr.
- Elísa Guðrún ehf.: 3.707.875 kr.
- Eyjasýn ehf.: 1.914.776 kr.
- Fótbolti ehf.: 5.744.382 kr.
- Fröken ehf.: 5.814.742 kr.
- Hönnunarhúsið ehf.: 997.180 kr.
- Kjarninn miðlar ehf.: 14.519.325 kr.
- Leturstofan Vestmannaeyjum ehf.: 1.452.776 kr.
- MD Reykjavík ehf.: 4.642.775 kr.
- Myllusetur ehf.: 25.012.660 kr.
- N4 ehf.: 20.713.191 kr.
- Nýprent ehf.: 4.249.793 kr.
- Prentmet Oddi ehf.: 2.412.119 kr.
- Skessuhorn ehf.: 9.336.785 kr.
- Sólartún ehf.: 0.489.583 kr.
- Steinprent ehf.: 1.632.473 kr.
- Sýn hf.: 66.767.227 kr.
- Torg ehf.: 66.767.227 kr.
- Tunnan prentþjónusta ehf.: 2.117.748 kr.
- Útgáfufélag Austurlands ehf.: 3.660.962 kr.
- Útgáfufélagið ehf.: 4.306.578 kr.
- Útgáfufélagið Stundin ehf.: 22.273.029 kr.
- Víkurfréttir ehf.: 5.697.371 kr.
Heimild og sjá nánar: RÚV.is
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.