Nýprent festir kaup á nýrri prentvél
Í gær var stór dagur í sögu Nýprents á Sauðárkróki en þá var skrifað undir samning um kaup á splunkunýrri prentvél. Að sögn Þuríðar Hörpu Sigurðardóttir, framkvæmdastjóra Nýprents, er um mikið framfaraskref að ræða sem eykur samkeppnishæfni prentsmiðjunnar til mikilla muna.
Um er að ræða fjögurra lita prentvél af gerðinni Heidelberg Speedmaster 52 af fullkomnustu gerð sem eykur gæði og vinnsluhraða í prentun svo um munar og gerir störf í prentsal hagkvæmari. Nýja vélin leysir af hólmi 15 ára gamla tveggja lita Heidelberg Speedmaster prentvél sem hefur reynst vel.
Heidelberg Speedmaster 52 prentvél eins og væntanleg er í apríl.
-Þetta er mikil fjárfesting fyrir lítið fyrirtæki, segir Þuríður Harpa. -Ég reikna með að vélin verði komin til okkar um miðjan apríl en það mun sennilega taka um viku að setja hana upp. Með tilkomu prentvélarinnar sjáum við fram á að geta bætt verulega við okkur verkefnum.
Sigurður, Þuríður Harpa, Erling og Guðni við gömlu vélina. Ljósm./BÞ
Tveir fulltrúar frá umboðsaðila Heidelberg á Íslandi, Nýherja, þeir Sigurður Jóhannsson vörustjóri prentsmiðjulausna og Erling Ásgeirsson forstöðumaður, mættu galvaskir á Krókinn í gær til að undirrita samninginn ásamt Þuríði Hörpu.
-Þetta er Rollsinn í prentuninni, segir Guðni Friðriksson prentari kampakátur en hann sér fram á að gamall draumur rætist þegar fjögurra lita græjan verður komin í gagnið.
Fleiri fréttir
-
Minnstu bæjarfélögin hrópa út í tómið | Ólafur Adolfsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.05.2025 kl. 00.45„Hækkunin sem fylgir þessari skattlagningu er of mikil til að þessi minnstu fyrirtæki geti rekið sig réttum megin við núllið. Það er mat Óðins að þessi fyrirtæki, sem hafa fjölda manns í vinnu, fari að hverfa eitt af öðru um mitt næsta ár. Ríkisstjórnin reyndi í uppfærslu á frumvarpinu að koma til móts við minni útgerðir en samt sem áður er staðan svona. Þetta sýnir bara hversu hroðvirknislega þetta var unnið frá upphafi,“ segir Ólafur Adolfsson í aðsendri grein.Meira -
Iðnmenntun í uppnámi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.05.2025 kl. 15.26Morgunblaðið birti þann 29.5 umfjöllun um húsnæðismál verknámsdeildar FNV. Undir fyrirsögninni: Verknámshúsið löngu sprungið. Þar er vitnað til skólaslitaræðu fráfarandi skólameistara, Ingileifar Oddsdóttur:Meira -
Húnabyggð ein fjögurra sem hlaut styrk
feykir.is Austur-Húnavatnssýsla 30.05.2025 kl. 13.40Á vef Innviðaráðuneytisins kemur fram að styrkbeiðni Húnabyggðar um styrk til að þróa og efla almenningssamgöngur innan sveitarfélagsins með áherslu á samgöngur fyrir börn og ungmenni hafi verið ein fjögurra sem hlutu styrk Innviðaráðuneytisins vegna aðgerðar A.10 á byggðaáætlun, Almenningssamgöngur milli byggða.Meira -
Gleðilega hátíð sjómenn
feykir.is Skagafjörður, Austur-Húnavatnssýsla, Lokað efni 30.05.2025 kl. 10.05Sjómannadagurinn verður haldinn hátíðlegur um komandi helgi og hófust hátíðarhöld á Skagaströnd með golfmóti á Skagastörnd í gær fimmtudag. Íbúar Skagastrandar hafa einnig verið hvattir til þess að skreyta húsin sín og verða vegleg verðlaun fyrir best skreytta húsið. Frábær dagskrá verður síðan alla helgina en hátíðin heitir því fallega og viðeigandi nafni Hetjur hafsins. Meðal þess sem í boði verður eru, BMX brós, VÆB bræður, vatnsfótbolti, skrúðganga, skemmtun á bryggjunni, tónlistarbingó og dansleikur með hljómsveitunum Skandal og Steinliggur svo það er óhætt að segja að það verður margra daga sjómannadagsstuð á Skagaströnd alla helgina.Meira -
Myndasyrpa frá brautskráningu FNV
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf, Lokað efni 29.05.2025 kl. 20.44Það var hinn merkilegasti brautskrárningardagur við Fjölbrautaskola Norðurlands vestra í gær eins og sagt var frá hér á Feykir.is í dag. Að venju var viðburðurinn myndaður í bak og fyrir, þrír ljósmyndarar mættir á svæðið og um 1800 myndir sem þarf að rúlla í gegnum. Hér má finna smá bragð af deginum í snefilmagni.Meira
