Nýr rekstraraðili á Laxá á Ásum árið 2017
Framundan eru miklar breytingar við Laxá á Ásum, en frá og með sumrinu 2017 verður sala veiðileyfa, markaðssetning og rekstur veiðihússins í höndum Sturlu Birgissonar. Þarna er verið að taka upp fyrirkomulag sem kallað hefur verið Norðurármódelið, þ.e.a.s. leigutakar koma ekki við sögu, heldur sölufulltrúi. Þetta kemur fram á vefnum votnogveidi.is.
Það er félagið Salmon tails ehf sem hefur leigt ána síðustu árin, einnig ósasvæðið, kennt við Hólmakvísl og Fremri Laxá sem er milli Laxárvatns og Svínavatns. „Með þessu er ljóst að þegar tíma Salmon tails lýkur á komandi hausti, verður ekki efnt til útboðs. Allt er frágengið með framhaldið,“ segir á vefnum. Páll Árni Jónsson formaður Veiðifélags Laxár á Ásum sagði í samtali við VatnogVeiði.is að stjórnin hefði talið réttast að ganga strax í málin, erfitt væri að leita eftir nýjum aðila við lok vertíðar þegar búið væri að ákveða miklar breytingar.
„Við erum með þessu að fara í hið svokallaða Norðurármódel sem að við teljum að henti okkur best. Við ræddum við Birnu Konráðsdóttur formann Veiðifélags Norðurár og Einar Sigufússon sölufulltrúa þeirra og niðurstaðan var sú að þetta hefði reynst þeim vel. Þetta var tekið upp í Norðurá á tíma sem að ýmsir veiðileyfasalar höfðu lent í vandræðum og við töldum að með þessu myndi áhættan liggja þar sem henni ber, þ.e.a.s. hjá landeigendum. Gangi vel, þá aukast tekjur, gangi miður þá minnka þær. Þetta áhættuelement hverfur því. Ég vil þó taka fram að það hefur verið ágætis samvinna milli okkar og Salmon tails síðustu árin, en þeir kusu að halda ekki áfram á þessum nýju forsendum,“ segir Páll Árni á Vatnogveiði.is.
Á vefnum kemur fram að Sturla Birgisson sé einn fremsti matreiðslumaður landsins auk þess að vera öflugur veiðimaður og leiðsögumaður. Hann hefur meðal annars leiðsagt ekki ófrægari en Eric Clapton, einmitt í Laxá á Ásum.
„Samningar við núverandi rekstraraðila renna út á næsta ári og er þeim þökkuð ágæt samvinna. Stjórnin ákvað í framhaldi af þessum breytingum að ganga til samninga við Sturlu Birgisson, matreiðslumeistara og veiðimann, um rekstur á ánni frá 2017-2021. Samningurinn felur í sér að Sturla sér um sölu veiðileyfa, markaðssetningu og rekstur á glæsilegu veiðihúsi árinnar. Húsið var byggt árið 2012 og ætlunin er að stækka og endurbæta það enn frekar til þess að geta veitt veiðimönnum enn betri þjónustu. Þær breytingar verða tilbúnar sumarið 2017. Um er að ræða að fjölga herbergjum um tvö og bæta við aðstöðu starfsfólks. Við erum afskaplega heppnir að fá Sturlu til samstarfs við okkur en með samningnum við hann verður þjónusta við veiðimenn aukin og boðið verður upp á fimm stjörnu þjónustu allan veiðitímann. Þá er átt við morgunmat, hádegismat og dýrindis kvöldmat eins og Sturlu einum er lagið,“ segir Páll um hinn nýja sölustjóra og rekstraraðila Laxár.
Nánari umfjöllun um Laxá á Ásum, veiðisumarið og komandi breytingar leggst í Pál og Sturlu má lesa á vefnum votnogveidi.is.
Fleiri fréttir
-
Skorað á ráðherra að bretta upp ermarnar við uppbyggingu verknámshúsa
feykir.is Skagafjörður, Lokað efni 23.02.2026 kl. 15.32Byggðarráð Skagafjarðar samþykkti á fundi sínum 19. febrúar sl. samhljóða áskorun til Ingu Sæland, mennta- og barnamálaráðherra, um að fylgja eftir áformum forvera síns, Guðmundur Ingi Kristinssonar, um að hefja framkvæmdir við fjóra verknámsskóla. „Óútskýrðar tafir við útboðsgögn hjá Framkvæmdasýslunni - Ríkiseignum og skortur á staðfestingu á fjármögnun framkvæmda frá mennta- og barnamálaráðuneytinu, valda því að útlit er fyrir að framkvæmdir við stækkun verknámshúss Fjölbrautaskóla Norðurlands vestra hefjist ekki á árinu 2026.“ segir í áskoruninni.Meira -
Hvað fær fólk til að vera – og hvað fær það til að snúa heim?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.02.2026 kl. 15.09Þann 10. mars fer fram ráðstefnan The Future of Rural Europe: Making migration work for regions in decline, þar sem sjónum verður beint að framtíð dreifðra byggða í Evrópu, fólksflutningum og byggðaþróun. Viðfangsefnið á ríkt erindi við umræðu um byggðafestu og jákvæða íbúaþróun hér á landi og tengist vel markmiðum um eflingu aðdráttarafls svæða, fjölbreytt atvinnulíf og sterk samfélög í landsbyggðunum, þar á meðal á Norðurlandi vestra.Meira -
Gervigreind – lykillinn að hagræðingu sveitarfélaga | Stefán Þór Stefánsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.02.2026 kl. 15.04Undanfarin ár hefur stafræn umbreyting orðið eitt helsta tæki sveitarfélaga til að mæta auknum kröfum um skilvirkni, betri þjónustu og ábyrga nýtingu fjármuna. Sú umbreyting skiptir miklu máli þegar kemur að fjármálum og forgangsröðun verkefna á sveitarstjórnarstiginu.Meira -
Mjölnir á Selfossi bauð lægst í Skagaveg
feykir.is Skagafjörður, Austur-Húnavatnssýsla, Lokað efni 23.02.2026 kl. 11.25Vegagerðin bauð í byrjun febrúar út ný- og endurbyggingu Skagavegar á um 7 km kafla auk nýbyggingar á um 0,7 km kafla á Brekknavegi. Tilboð voru opnuð þann 17. febrúar síðastliðinn og reyndist VBF Mjölnir ehf. frá Selfossi eiga lægsta tilboðið, 432,5 milljónir, sem var 91% af áætluðum verktakakostnaði Vegagerðarinnar.Meira -
Óskað eftir tilnefningum fyrir Samfélagsverðlaun Skagafjarðar
feykir.is Skagafjörður 23.02.2026 kl. 11.17Samfélagsverðlaun Skagafjarðar verða veitt í ellefta sinn á setningu Sæluviku í Safnahúsinu á Sauðárkróki sunnudaginn 12. apríl nk.Meira
