Ofsaveður og fárviðri í kortunum
Aðvaranir Veðurstofunnar hafa vonandi ekki farið fram hjá neinum. Veðrið skellur fyrst á Suðurlandi og er ekki ráðlegt að vera á ferðinni þar eftir klukkan 12 á hádegi. Annars staðar á landinu, þar með talið á höfuðborgarsvæðinu, er ráðlegt að vera ekki á ferðinni eftir klukkan fimm síðdegis.
Í viðvörun Veðurstofunnar segir: Vaxandi austanátt í dag, víða ofsaveður eða fárviðri síðdegis og um kvöldið, fyrst S-til á landinu. Talsverð eða mikil slydda eða rigning SA-lands í kvöld. Sunnan og suðvestan stormur á morgun með slyddu eða rigningu.
Veðurhorfur næsta sólarhringinn: Suðaustan 8-15 m/s og skýjað, hvassast við S- og V-ströndina, en hægari og bjart NA-lands Frost 0 til 10 stig, kaldast í innsveitum, en víða frostlaust við S- og V-ströndina. Ört vaxandi austanátt í dag og dregur úr frosti, fyrst S-til.
Austan 20-25 og snjókoma eða skafrenningur S-lands upp úr hádegi. Heldur síðan áfram að hvessa og víða ofsaveður eða fárviðri á landinu í kvöld, 25-35 m/s með talsverðri slyddu eða snjókomu, en rigningu syðst. Hiti um frostmark í kvöld, en 2 til 7 stig sunnan heiða. Suðaustan og austan 20-25 með rigningu S-lands í nótt, en dregur smám saman úr veðurofsanum á N- og A-landi en áfram ofsaveður víða NV-til á landinu.
Sunnan og suðvestan stormur með rigningu eða slyddu þegar kemur fram á morgundaginn, en hægari og léttir til NA-lands. Fer aftur kólnandi.
Fleiri fréttir
-
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira -
Vinnsluholan að Reykjum var vígð í dag
feykir.is Austur-Húnavatnssýsla, Lokað efni 13.06.2025 kl. 20.02Ný vinnsluhola, RR-38, var formlega vígð í dag, föstudaginn 13. júní, að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu.Meira -
Selma Barðdal er nýr skólameistari FNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 13.06.2025 kl. 17.06Líkt og Feykir hefur greint frá þá ákvað Ingileif Oddsdóttir skólameistari Fjölbrautaskóla Norðurlands vestra að láta af störfum að loknu skólaári. Nú hefur Guðmundur Ingi Kristinsson, mennta- og barnamálaráðherra, skipað nýjan skólameistara og það er Selma Barðdal Reynisdóttir sem hefur verið sett í embætti skólameistara FNV til fimm ára frá 1. ágúst næstkomandi.Meira
