Önnur lota verkfallsaðgerða hófust á miðnætti
Önnur lota í boðuðum verkfallsaðgerðum hófst á miðnætti en þá lögðu rúmlega 10 þúsund félagar Starfsgreinasambandsins niður vinnu. Innan sambandsins eru m.a. Aldan stéttarfélag í Skagafirði og Stéttarfélagið Samstaða á Blönduósi. Verkfallið mun standa í tvo heila sólarhringa og lýkur því á miðnætti þann 7. maí eða á aðfaranótt föstudags.
Þeir sem starfa hjá ríkisstofnunum (t.d. Heilbrigðisstofnun Norðurlands) eða sveitarfélagi fara ekki í verkfall. Þessar aðgerðir snúa eingöngu að starfsfólki á almennum vinnumarkaði. Ef ríki eða sveitarfélag er launagreiðandi starfsmanns þýðir það að viðkomandi starfsmaður er ekki á leið í verkfall, sama hvaða starfi hann gegnir innan fyrirtækisins.
„Borgið okkur mannsæmandi laun ef þið viljið hafa okkur í vinnu“
„Uppgangsskeiðið sem virðist vera hafið takmarkast því miður við efri lög þjóðfélagsins. Aðrir berjast í bökkum. Eina leiðin fyrir þá sem eru með lágar tekjur, sem eiga ekki síður skilið að njóta góðærisins en aðrir, er að setja niður fótinn. Það er allt útlit fyrir að vinnustöðvanir verði langvarandi þó að samningsvilji okkar sé ríkur. Skilaboð okkar fólks eru: „Borgið okkur mannsæmandi laun ef þið viljið hafa okkur í vinnu.“ SA verða að átta sig á því að við hvikum ekki frá þeirri grunnkröfu,“ eru skilaboð Starfsgreinasambandsins vegna kjarabaráttunnar sem birt voru á facebook-síðu sambandsins, Vinnan mín.
Á heimasíðu Öldunnar segir að skrifstofa félagsins verði að sjálfsögðu opin eins og venjulega og eru félagsmenn hvattir til að hafa samband og gefa kost á sér til verkfallsvörslu.
„Ef félagsmenn verða varir við verkfallsbrot eru þeir vinsamlegast beðnir um að hafa samband við skrifstofu félagsins í síma 453 5433. Einnig er hægt að hringja í Þórarinn formann í síma 891 9383,“ segir á vefnum.
Skipulag verkfallsaðgerðanna sem framundan eru:
- 6 maí 2015 Allsherjar vinnustöðvun frá miðnætti til miðnættis (allur 6. maí).
- 7 maí 2015 Allsherjar vinnustöðvun frá miðnætti til miðnættis (allur 7. maí).
- 19 maí 2015 Allsherjar vinnustöðvun frá miðnætti til miðnættis (allur 19. maí).
- 20 maí 2015 Allsherjar vinnustöðvun frá miðnætti til miðnættis (allur 20. maí).
- 26 maí 2015 Ótímabundin vinnustöðvun hefst á miðnætti aðfaranótt 26. maí 2015.
Nánari upplýsingar um verkföll, hvenær þau eru áætluð, til hverra þau taka, kröfur SGS, undanþágur o.s.frv. má nálgast á verkfallsvef SGS . Einnig miðlar sambandið upplýsingum á facebooksíðunni „Vinnan mín“.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
