Öruggur sigur Stólastúlkna á liði Fylkis
Lið Tindastóls og Fylkis mættust í fjórðu umferð Bestu deildar kvenna í dag en leikið var á Greifavellinum á Akureyri vegna vallarvesenis á Króknum. Ekki virtist Akureyrarferð sitja í Stólastúlkum eða það að spila á Greifavellinum – enda hver elskar ekki Greifann? Fylkir kom upp úr Lengjudeildinni síðasta haust og hafði farið vel af stað á tímabilinu, höfðu ekki tapað leik. En þær lutu í Greifagras í dag og máttu þola 3-0 tap gegn skemmtilegu liði Tindastóls.
Byrjunarlið Tindastóls var skipað þeim Monicu, Bryndísi Rut, Gwen, Löru Margréti, Maríu Dögg, Laufeyju Hörpu, Anniku, Gabbie, Elísu Bríeti, Birgittu Rún og Jordyn. Hugrún, Aldís og Saga Ísey kom svo með ferka fætur inn í liðið á lokakaflanum.
Það voru kjöraðstæður fyrir norðan og sögusagnir um endalaust gott veður á Akureyri reyndust á rökum reystar – í dag að minnsta kosti. Lið Tindastóls fór vel af stað í leiknum, pressaði gestina vel og kom þeim í bobba. Fyrsta mark leiksins gerði Elísa Bríet á 12. mínútu en það var fyrsta mark hennar í Bestu deildinni. Pressa Stólanna varð til þess að Birgitta Rún vann boltann á miðjum vallarhelmingi Fylkis og smellti honum strax inn fyrir vörnina á vinkonu sína frá Skagaströnd sem afgreiddi færið af mikilli yfirvegun. Að þessar stelpur séu 16 ára er bara brandari. Þegar leið á hálfleikinn skapaði lið Tindastóls sér fleiri færi en það var ekki fyrr en á 44. mínútu sem annað markið leit dagsins ljós. Tinna í marki Fylkis kýldi þá boltann frá marki eftir fyrirgjöf Laufeyjar Hörpu en beint í hlaupaleið Maríu Daggar sem smellti boltanum í markið. Staðan 2-0 í hálfleik.
Fylkir var meira með boltann í síðari hálfleik og lið Tindastóls varðist aftar og reyndi að beita skyndisóknum. Sigurinn var loks tryggður á 85. mínútu þegar Jordyn Rhodes flikkaði útsparki frá Monicu inn fyrir vörn Fylkis þar sem Laufey komst á auðan sjó og renndi boltanum framhjá Tinnu og í markið. Hvammstangastúlkan Saga Ísey, sömuleiðis 16 ára, var síðan hársbreidd frá því að skora sitt fyrsta mark í Bestu deildinni í uppbótartíma, þá nýlega komin inn á en setti boltann framhjá í ágætu færi.
Í heildina frábær sigur og nú er lið Tindastóls skyndilega komið í fjórða sæti Bestu deildarinnar eftir tvo sigurleiki í kjölfar tveggja tapleikja. Liðið er að spila fínan fótbolta, heldur boltanum betur en oftast áður og leikmenn óhræddir við að skella í þríhyrningaspil og fleira dúllídúll. Í dag var liðið bæði öflugt fram á við sem og í vörn og það veit á gott. Næsti leikur er gegn meisturum Vals á Hlíðarenda en þangað hafa Stólastúlkur aldrei sótt gull og hvað þá stig. Því má alveg breyta.
Fleiri fréttir
-
Þórir Guðmundur og Eva Rún valin best í vetur
feykir.is Skagafjörður, Íþróttir 20.05.2024 kl. 14.24Lokahóf Körfuknattleiksdeildar Tindastóls var haldið á Kaffi Krók síðastliðið föstudagskvöld og þar var gert upp sögulegt tímabil þar sem karlaliðið stóð ekki undir væntingum en kvennaliðið daðraði við að komast í efstu deild í fyrsta sinn á öldinni. Þórir Guðmundur Þorbjarnarson og Eva Rún Dagsdóttir voru valin bestu leikmennirnir af samherjum sínum.Meira -
Vor á ný er fínasta fínt með Slagaarasveitinni
feykir.is Austur-Húnavatnssýsla, Vestur-Húnavatnssýsla, Listir og menning 20.05.2024 kl. 14.02Hið þverhúnvetnska gæðaband, Slagarasveitin, sem skipað er mönnum á besta aldri, sendi í fyrrahaust frá sér samnefnda tólf laga breiðskífu. Útgáfunni fylgdi sveitin eftir með stórtónleikum í Iðnó í Reykjavík 22. september og daginn eftir stigu þeir á svið í Félagsheimilinu á Hvammstanga. Platan er fáanleg á föstu formi en ekki á Spotify en þangað hafa þeir félagar týnt eitt og eitt lag af plötunni og nú í byrjun maí streymdu þeir laginu Vor á ný.Meira -
Velkomin heim - Helga Einarsdóttir
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 20.05.2024 kl. 09.00Helga Einarsdóttir er yngst þriggja systra, dóttir Lillu frá Stóru Seylu, sem kannski ekki allir vita að heitir Margrét Erna Halldórsdóttir, og Einars Sigurjónssonar sem flutti ungur í Skagafjörðinn úr Garðabænum. Betri helmingur Helgu er hrein- ræktað borgarbarn og heitir Daníel Fjeldsted og eru börnin tvö, Kolbrún Ósk 4 ára og Viktor Einar 2 ára. Helga og Danni eins og hún kallar hann fluttu „heim“ í Helgu tilfelli fyrir rétt tæpu ári síðan. Helga er rekstrarverkfræðingur og starfar hjá Húsnæðis- og mannvirkjastofnun.Meira -
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira -
Vantaði upp á orkustigið og stemninguna
feykir.is Skagafjörður, Íþróttir 19.05.2024 kl. 12.01„Þetta var ekkert sérstakur leikur af okkar hálfu og við getum betur, sérstaklega með boltann,“ sagði Donni þjálfari Stólastúlkna þegar Feykir spurði hann út í bikarleikinn gegn liði Þórs/KA sem fram fór í gær en Akureyringar höfðu betur 1-2. „Vissulega spila aðstæður stóran þátt því það var mikill vindur á annað markið. En jafnvel með vindinum fannst mér pláss til að gera betur. Úrslitin voru svekkjandi og sanngjörn en frammistaðan er það sem við horfum í og þar viljum við gera betur.“Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.