Pétur hlakkar til að sjá fulla höll af vínrauðum treyjum
Jú, það er úrslitaleikur í VÍS bikarnum á morgun og Stólarnir verða þar þrátt fyrir hálfgerða þrautagöngu í vetur. Mótherjarnir eru lið Keflavíkur sem hafa verið ansi sterkir upp á síðkastið og sitja í 3.-4. sæti Subway-deildarinnar þegar tveimur umferðum er ólokið.
Feykir tók púlsinn á Pétri Rúnari Birgissyni, fyrirliða Tindastóls, og spurði hvort honum finndist Stólarnir vera að ná sér á strik eftir góðan leik gegn liði Álftaness í undanúrslitum VÍS bikarsins. „Það má segja að við höfum fundið taktinn svolítið í síðasta leik en það er bara einn leikur. Við erum enn að vinna í okkar leik og já, ég trúi því að við verðum bara betri og betri eftir því sem líður á núna.“
Hvernig leggst í þig að mæta liði Keflavíkur? „Bara mjög vel, þeir eru með hörkulið og held ég að þetta verði bara mikið fjör. Áhorfendur mega búast við hröðum og skemmtilegum leik sem mun vera spennandi fram að lokaflauti,“ segir fyrirliðinn og tekur fram að hann þakki stuðninginn gegnum súrt og sætt. „Hann er mikils metinn. Ég hlakka til að sjá fulla höll af vínrauðum flíkum. Koma Stólar!!“
Leikurinn hefst kl. 16:00. Áfram Tindastóll!
Fleiri fréttir
-
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira -
F. Jónsson stækka trésmíðaverkstæði sitt um ríflega helming
feykir.is Skagafjörður 03.05.2024 kl. 13.32Talsvert hefur verið byggt af iðnaðarhúsnæði á Sauðárkróki nú í vetur og þar á meðal má nefna að F. Jónsson byggingaverktakar hafa verið að stækka við sig. Friðrik Þór Ólafsson, starfsmaður F. Jónsson, segir að með byggingunni sé verið að rúmlega tvöfalda stærð aðstöðu þeirra en við eldra húsnæðið bætast nú 800 m2. „Innan þessarar nýbyggingar eru aðallega geymslur fyrir ýmisleg tengt okkar stafsemi en þar að auki er gert ráð fyrir vélskemmu og nýrri skrifstofu og aðstöðu starfmanna,“ segir Friðrik.Meira -
Tvöfaldur skammtur af Stólastúlkum í kvöld
feykir.is Skagafjörður, Íþróttir 03.05.2024 kl. 13.22Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.