Prjónagleði frestað um ár
Ákveðið hefur verið að fresta Prjónagleðinni sem halda átti dagana 12.-14. júní í sumar um ár eða til 11. - 13. júní 2021. Er það gert vegna COVID-19 faraldursins sem nú leikur allt samkomuhald í landinu grátt. Engu að síður verður áður auglýst prjónasamkeppni haldin en mun nú fara fram á netinu og verður almenningi gefinn kostur á að kjósa sína uppáhaldshönnun. Einnig verður haldið áfram að kynna einstaklinga og fyrirtæki sem vinna með ull á Textílslóð Norðurlands vestra.
Í tilkynningu frá Textílmiðstöð Íslands segir:
Til að viðhalda prjóna- og sköpunargleðinni höldum við ótrauð áfram með prjónasamkeppnina, en í ár verður keppnin á netinu og almenningur fær tækifæri til að kjósa sína uppáhaldshönnun. Til að viðhalda sköpunar- og prjónagleðinni á meðan á faraldrinum stendur, munum við halda samkeppnina þrátt fyrir að ekki verði af sjálfri Prjónagleðinni. Samkeppnin fer þannig fram að þátttakendur senda okkur myndir og upplýsingar um höfuðfatið sem við síðan birtum á Facebook-síðu Prjónagleðinnar. Gestir síðunnar kjósa sitt uppáhalds höfuðfat í framhaldin og þeir vinna sem fá flest stig. Ekki verða birt nöfn hönnuða fyrr en við tilkynningu á vinningshöfum!
Við höldum líka áfram að kortleggja Textílslóð Norðurlands vestra. Textílslóðin er ný af nálinni en henni er ætlað að styðja og kynna einstaklinga og fyrirtæki sem vinna með ull og annan textíl í landshlutanum.
„Það er okkur mikilvægt að kynna þá ríku arfleifð handverkskunnáttu og textílframleiðslu sem hér er að finna. Hér má finna sýningar, garnframleiðendur, ullarframleiðendur og afþreyingu sem tengist þessari arfleifð. Saga textíls er saga kvenna. Við viljum skapa sjáanlegt net um landshlutann sem sýnir þetta og sannar.“
Þeir sem hafa áhuga á að vera með í Textílslóð er bent á að senda tölvupóst til greta@textilmidstod.is.
Þú getur fengið nýjustu fréttir af textílslóðinni, prjónagleði næsta árs, og prjónakeppninni á facebooksíðu hátíðarinnar: Prjónagleði – Iceland Knit Fest.
Reglur prjónakeppninnar: Forsendur/verklýsing:
Senda 3-4 myndir í skilaboð á Facebókarsíðu Prjónagleðinnar; Prjónagleði Icelandic Knit Fest eða á netfangið johanna@textilmidstod.is. Myndirnar skulu þær sýna allt höfuðfatið og nákvæmari útfærslur.
Með skilaboðunum þarf að koma fram nafn, heimilisfang og símanúmer.
Þá skal fylgja lausleg uppskrift ásamt lýsingu á aðferð og upplýsingum um tegund. Verðlaun fyrir þrjú efstu sætin og horft til frumlegustu og bestu útfærslunnar.
Eftirfarandi fyrirtæki ætla að leggja okkur lið og gefa glæsileg verðlaun. Þau eru; Ístex, Ísgel, Vilkó, Kidka.
Samkeppnin stendur yfir þar til 10. júní en tilkynning um verðlaunahafa verður birt laugardaginn, 13. júní 2020 á Facebook síðu Prjónagleðinnar; Prjónagleði Icelandic Knit Fest.
Fleiri fréttir
-
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.