Quinzia Fulmore til Tindastóls
Körfuknattleiksdeild Tindastóls hefur samið við bandaríska framherjann Quinzia Fulmore um að leika með liðinu á komandi tímabili í Bónus deildinni. Hún er 23 ára gömul og kemur frá Greensboro í Norður-Karólínu, er 190 sm á hæð og spilar stöðu framherja/miðherja en styrkleikar hennar eru inni í teignum. Hún á að baki 112 leiki í bandaríska háskólaboltanum.
Í tilkynningu frá körfuknattleiksdeild Tindastóls segir að Quinzia komi með styrk, reynslu og metnað inn í leikmannahópinn og verði spennandi viðbót við liðið en þegar eru þrír erlendir leikmenn frá Argentínu komnir á Krókinn.
Þegar Feykir fletti upp í gervigreindinni og spurðist fyrir um styrklega Quinzia er fyrst tekið fram að fráköst séu hennar mesti stykleiki og þá sér í lagi varnarfráköst. Hún sé öflug í að vinna sér stöðu og líkamlega sterk. Minnst er á að hún hafi varla tekið 3ja stiga skot í háskólaboltanum en hún er með góða skotnýtingu nærri körfunni. Hæð og styrkur nýtist henni vel þegar hún verst stærri leikmönnum og þegar hún sækir að körfunni. Hún getur komið sér djúpt inn í teig, haldið stöðu og skorað með einföldum pósthreyfingum. Nú er bara að sjá hvort gervigreindin sé með sitt á hreinu.
Quinzia er boðin hjartanlega velkomna í Tindastólsfjölskylduna!
Fleiri fréttir
-
Kristín Þórðardóttir skipuð í nýtt embætti sýslumanns
feykir.is Skagafjörður, Austur-Húnavatnssýsla, Vestur-Húnavatnssýsla 24.08.2026 kl. 13.25Kristín Þórðardóttir, sem starfað hefur sem sýslumaður á Suðurlandi sl. níu ár, hefur verið skipuð í nýtt embætti sýslumanns og er þá eini sýslumaður landsins. Í tilkynningu sem birtist sl. föstudag á vef Stjórnarráðsins segir að hún hafi tekið við stöðunni frá og með 21. ágúst. Fram kemur að starfsstöðvar hins nýja embættis verða óbreyttar við sameininguna og starfsfólk færist til hins nýja embættis. Ekki eru fyrirhugaðar umfangsmiklar breytingar á núverandi skipulagi þeirra eða þjónustuframboði.Meira -
Ólafur Bjarni varð Íslandsmeistari | Arney Sindradóttir skrifar
feykir.is Skagafjörður, Íþróttir, Aðsendar greinar 24.08.2026 kl. 10.23Dagana 20.-22. ágúst fór fram Íslandsmót unglinga í höggleik 14 ára og yngri á Þorláksvelli hjá Golfklúbbi Þorlákshafnar. Golfklúbbur Skagafjarðar átti fimm glæsilega fulltrúa; Brynjar Morgan Brynjarsson, Sigurbjörn Darra Pétursson og Gunnar Atla Þórðarson sem kepptu í flokki 13-14 ára - og Ólaf Bjarna Þórðarson og Karl Goðdal Þórleifsson í flokki 12 ára og yngri. Strákarnir allir sem einn stóðu sig með prýði og voru klúbbnum til mikils sóma. Það fór svo að Ólafur Bjarni landaði sigri og þar með Íslandsmeistaratitli, sem er ekkert nema stórkostlegur árangur hjá dreng á tólfta aldursári. Þrotlaus vinna og þrautseigja liggur að baki, og uppskeran eftir því.Meira -
Súsanna Guðlaug tók þátt í FEIF Youth Cup 2026 | Ógleymanleg ferð til Þýskalands
feykir.is Skagafjörður, Íþróttir, Hestar, Lokað efni 24.08.2026 kl. 09.00Dagana 12.–20. júlí fór fram FEIF Youth Cup í Rieden í Þýskalandi. Á mótið koma ungir knapar alls staðar að úr heiminum til að keppa, læra hvert af öðru og kynnast nýju fólki. Súsanna Guðlaug Halldórsdóttir frá Ríp 3 í Hegranesinu var hluti af íslenska hópnum og Feykir fékk hana til að segja frá ferðinni.Meira -
Mikilvægur sigur Stólanna í Fífunni í dag
feykir.is Skagafjörður, Íþróttir, Lokað efni 23.08.2026 kl. 20.28Það var ljóst eftir jafntefli á Ólafsfirði um miðja síðustu viku að allir fjórir leikir Tindastóls sem eftir voru í 3. deildinni þetta sumarið yrðu í raun hreinir úrslitaleikir. Staðan á toppi deildarinnar er það jöfn, en fjögur lið berjast um tvö sæti í 2. deild, að það má hvergi út af bregða. Í dag mættu Stólarnir liði Augnabliks í Fífunni og tvö mörk frá Benna á lokakaflanum voru allt sem þurfti til að næla í stigin þrjú. Lokatölur 0-2.Meira
