Ráðstefna um íslenskt þjóðfélag - kallað eftir erindum
Norðan við hrun – sunnan við siðbót?
Á vef Hólaskóla er kallað eftir tillögum að málstofum og ágripum að erindum fyrir 8. ráðstefnuna um íslenska þjóðfélagið, sem haldin verður í Háskólanum á Hólum í Hjaltadal dagana 15.-16. maí 2014. Fræðafólk úr öllum greinum hug- og félagsvísinda er hvatt til að senda ágrip að erindum byggðum á eigin rannsóknum. Miðað er við 20 mínútna erindi, eitt af hálfu hvers flytjanda og 10 mínútna umræður.
Yfirskrift ráðstefnunnar er ætlað að vekja athygli fremur en binda hug og hendur þátttakenda, því er hún bæði tímanleg og tímalaus. Hún vísar til vorra tíma eftir efnahagshrun sem varð með ólíkum hætti í norðri og suðri, hún vísar til þeirrar orðræðu um siðbót í samfélaginu sem fylgdi í kjölfar hrunsins. Hún vísar einnig til Hóla í Hjaltadal, í sveitinni sem einu sinni var Norðan við stríð í orðum Indriða G. Þorsteinssonar og staðarins, sem var sunnan við siðbót í nánd sinni við hina suðrænu kaþólsku.
Höfundar eru hvattir til að þróa erindi sín í birtingarhæfar greinar í íslenskum fræðitímaritum að ráðstefnu lokinni. Því eru málstofustjórar beðnir að huga að útgáfumöguleikum efnis í málstofu sinni og með hvaða hætti málstofan getur orðið til að efla fræðilega orðræðu á viðkomandi sviði hérlendis.
Við skipulag ráðstefnunnar verður lögð áhersla á að hún er tækifæri fræðasamfélagsins um íslenska þjóðfélagið til að gefa og þiggja þekkingu, hugmyndir, áskoranir og aðferðir. En fyrst og síðast; að fagna saman frjóum rannsóknum um íslenska þjóðfélagið.
Tillögur að málstofum óskast eigi síðar en 3. febrúar 2014. Ágrip af erindum (hámark 250 orð) óskast eigi síðar en 3. mars 2014.
Nánari upplýsingar og viðtöku tillagna og ágripa veitir Guðrún Helgadóttir gudr@holar.is
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
