Reynsluboltinn Dee Bost til liðs við Stólana
Körfuknattleiksdeild Tindastóls hefur náð samkomulagi við hinn gríðarlega reynslumikla leikstjórnanda, Dee Bost, um að ganga til liðs við félagið. Í fréttatilkynningu frá deildinni segir að Bost komi til Tindastóls með feril sem talar sínu máli. Hann hefur leikið í sterkustu deildum Evrópu, þar á meðal EuroLeague, EuroCup og Basketball Champions League, auk þess að spila með búlgarska landsliðinu.
„Á ferlinum hefur hann meðal annars leikið með AS Monaco, Žalgiris Kaunas, Galatasaray, ASVEL, Strasbourg, Khimki, Budućnost, Zielona Góra og Flamengo. EuroCup-meistari með AS Monaco, pólskur meistari og verðmætasti leikmaður úrslitanna með Zielona Góra, auk titla í Svartfjallalandi og Frakklandi. Dee Bost er leikstjórnandi með leiðtogahæfileika, mikla reynslu og getu til að stýra leiknum þegar mest á reynir.
„Það er mikill heiður fyrir Tindastól að fá leikmann með reynslu, gæði og feril Dee Bost til liðs við okkur. Koma hans sýnir metnað deildarinnar og við erum sannfærð um að hann muni verða mikilvægur hluti af liðinu og stemningunni í Síkinu,“ segir Dagur Þór Baldvinsson formaður körfuknattleiksdeildar Tindastóls.
„Dee er leikmaður sem kemur með mikla reynslu, sigurhugarfar og hæfileika til að gera samherja sína betri. Hann hefur spilað í stórum leikjum á háu stigi og við teljum að hans leiðtogahlutverk, yfirvegun og gæði sem leikstjórnandi muni hjálpa liðinu mikið,“ segir Arnar Guðjónsson þjálfari Tindastóls.
„Ég er mjög spenntur fyrir því að koma til Tindastóls og taka þátt í því sem félagið er að byggja upp. Ég hef heyrt frábæra hluti um stuðningsmennina, stemninguna í Síkinu og metnaðinn hjá félaginu. Ég hlakka til að hitta alla, leggja mitt af mörkum og berjast fyrir Tindastól,“ segir Dee Bost.
Tindastólsfólk býður Dee Bost hjartanlega velkominn í Tindastólsfjölskylduna.
Fleiri fréttir
-
Stefnt að því að bæta aðstöðu ferðamanna við Hvítserk
feykir.is Vestur-Húnavatnssýsla, Lokað efni 25.06.2026 kl. 12.48Landshornaflakkari Sýnar, Kristján Már Unnarsson, var á ferðinni í Húnaþingi vestra á dögunum og þar staldraði hann við hjá Knúti Arnari Óskarssyni ferðaþjónustubónda á Ósum á Vatnsnesi, næsta bæ við Hvítserk sem er að öllum líkindum stærsta aðdráttarafl ferðamanna á Norðurlandi vestra. Knútur hyggst reisa þjónustuhús, leggja göngustíga og smíða tröppur til að bæta aðgengi og upplifun ferðamanna á staðnum.Meira -
Leikhópar frá Ítalíu, Spáni, Kanada, Úkraínu og Íslandi koma á HIP Fest
feykir.is Vestur-Húnavatnssýsla, Mannlíf, Lokað efni 25.06.2026 kl. 10.33Hvammstangi International Puppetry Festival eða HIP Fest er alþjóðleg brúðulistarhátíð sem sameinar framúrskarandi sviðslistafólk, bæði erlent og íslenskt, til Hvammstanga. Á hátíðinni mætast hefðbundið brúðuleikhús og nýsköpun í sviðslistum í fjölbreyttum sýningum fyrir ólíka aldurshópa.Meira -
„Þetta er á bílunum!“ | Leiðari 24. tölublaðs Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2026 kl. 10.31Heimsmeistarakeppnin í knattspyrnu tröllríður flestu þessar vikurnar. Ég hef náð að horfa á nokkra leiki þrátt fyrir nánast algjört áhugaleysi áður en bolta var sparkað. Það kom kannski einna helst til af gríðarlega neikvæðri umræðu um mótið áður en það hófst og mátti skilja sem svo að það væri bara enginn að fara að mæta á leikina sök-um dýrtíðar, græðgi og vandamála við að komast inn í Bandaríkin. Yfir allri umræðunni grúfði svo Trump gamli, eins og ein af sálsugunum í Harry Potter-bókunum.Meira -
Framkvæmdir við laugina enn í gangi en opið í heitu pottana
feykir.is Skagafjörður, Mannlíf, Lokað efni 25.06.2026 kl. 09.06Framkvæmdum við Sundlaug Sauðárkróks miðar ágætlega en áfram verður talsverð röskun á sundlaugarsvæðinu þar til verkinu er lokið. Áætlað var að laugin yrði opnuð aftur 13.-14. júní en góðir hlutir gerast oft hægt. Unnið er að lagfæringum á sundlaugarbakkanum auk þess sem verið er að klára uppsetningu á hitalögnum í kringum gömlu laugina.Meira -
Gestadagur á fornleifasvæðinu á Reynistað í Skagafirði
feykir.is Skagafjörður 25.06.2026 kl. 08.55Miðvikudaginn 1. júlí verður boðið upp á leiðsögn um fornleifasvæðið á Reynistað. Leiðsögnin er í umsjón dr. Brendu Prehal og dr. George Hambrecht auk nemenda þeirra úr fornleifafræðiskóla sem er hluti af International Field Research Institute.Meira
