Rocky Horror frumsýnt í kvöld
Það fer mikið fyrir kynþokka og skrautlegum, djörfum klæðnaði í sýningu nemenda FNV um hinn mjög svo ófullkomna Rocky sem Dr. Frank N Furter reynir að fullgera. Nemendur Fjölbrautaskóla Norðurlands vestra hafa undanfarnar vikur æft af krafti söngleikinn Rocky Horror sem frumsýndur verður í kvöld, miðvikudag, í Bifröst á Sauðárkróki. Leikstjóri er Guðbrandur Ægir Ásbjörnsson og aðstoðarleikstjóri er Heiða Jonna Frðfinnsdóttir.
Ætla má að hinir ungu leikarar sem stíga á svið í kvöld teygi sig ansi nærri jöðrum þægindarammans þar sem bert hold, afbrigðileg hegðun og mikil nánd persónanna er alls ráðandi í verkinu jafnframt mikill söngur og ást.
Það er rík ástæða til að hvetja alla til að kíkja á þetta fræga stykki og sjá hvernig til tekst hjá leikhópi FNV.
Í Rocky Horror segir frá tveimur fyrirmyndar unglingum, þeim Brad og Janet sem verða fyrir því óláni að bíllinn þeirra bilar úti á þjóðvegi en hjálpin gæti leynst í eina húsinu í nágrenninu, kastala Dr. Frankenstein. Þar reynist húsbóndinn vera Dr. Frank N Furter sem kemur frá plánetunni Transilvaníu.
Dr. Frank N Furter er niðursokkinn í vísindatilraun þar sem hann freistast til að skapa hinn fullkomna mann; Rocky. Eins og vænta má lendir unga siðsama parið í undarlegu og stórhættulegu ævintýri þar sem siðgæðinu er ögrað svo um munar.
2. sýning fimmtudaginn 17. nóvember klukkan 20:00
3. sýning laugardaginn 19. nóvember klukkan 20:00
4. sýning sunnudaginn 20. nóvember klukkan 20:00
5. sýning þriðjudaginn 22. nóvember klukkan 20:00
6. sýning miðvikudaginn 23. nóvember klukkan 20:00
Miðapantanir milli klukkan 16:00 og 18:00 í síma 455-8070. 12 ára og yngri skulu koma í fylgd með fullorðnum.
Fleiri fréttir
-
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira -
Óskað eftir tilnefningum til samfélagsverðlauna í Húnaþingi vestra
feykir.is Vestur-Húnavatnssýsla, Mannlíf 19.06.2025 kl. 09.19Félagsmálaráð Húnaþings vestra óskar eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Í frétt á Húnahorninu segir að allir komi til greina, jafnt einstaklingar, fyrirtæki sem og félagasamtök sem hafa með gjörðum sínum og framgöngu látið gott af sér leiða og verið öðrum góð fyrirmynd.Meira -
Sjónhorn og Feykir koma út í dag
feykir.is Skagafjörður, Austur-Húnavatnssýsla, Vestur-Húnavatnssýsla 19.06.2025 kl. 09.01Feykir og Sjónhorn fara í dreifingu í dag, fimmtudaginn 19. júní, en þjóðhátíðardagurinn setti strik í reikninginn varðandi prentun og dreifingu og blöðin því að berast í hús degi síðar en vanalega. Sjónhornið var reyndar komið á netið í gær en rafræn útgáfa Feykis varð aðgengileg nú í morgun.Meira -
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira
