Sæluvikan var sett í dag
Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.
Það var Sigfús Ólafur Guðmundsson, deildarstjóri, atvinnu-, menningar- og kynningarmála hjá sveitarfélaginu Skagafirði, sem sá um kynningu og kynnti fyrst til sögunnar Eyrúnu Sævarsdóttur sem flutti smá tölu og setti Sæluvikuna. Í framhaldinu afhenti hún Samfélagsverðlaun Skagafjarðar en þau hlutu hjónin Ragnheiður Ásta Jóhannsdóttir og Árni Björn Björnsson líkt og Feykir sagði frá fyrr í kvöld. Árni mætti fyrir hönd þeirra hjóna og tók við blómum, listaverki og heiðursskjali.
Því næst var komið að Sigríði Garðarsdóttur frá Miðhúsum í Blönduhlíð að tilkynna um úrslit í Vísnakeppni Safnahúss Skagfirðinga en nánar verður sagt frá þeim á Feykir.is á morgun. Að endingu sagði Sólborg Una Pálsdóttir héraðsskjalavörður frá Stefáni Pedersen ljósmyndara og ljósmyndasýningunni sem berja má augum í Safnahúsiinu.
Inn á milli mættu til leiks efnilegar stúlkur úr Tónlistarskóla Skagafjarðar og spiluðu á píanó. Fyrst kom Gréta Berglind Jakobsdóttir sem lék The Tempest eftir Nancy Faber og Fur Elise eftir Beethoven. Bjarkey Dalrós Rúnarsdóttir mætti einnig til leiks en hún spilaði fyrir gesti Canon eftir Pacelbel og Faded eftir Alan Walker.
Að dagskrá lokinni var boðið upp á marsipantertu úr Sauðárkróksbakaríi og kaffi. Þá gafst gestum færi á að virða fyrir sér ljósmyndir Stefáns Pedersen og einnig nokkur málverk sem hann hafði málað.
Fleiri fréttir
-
Freyr ráðinn upplýsingafulltrúi Eflingar stéttarfélags
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 13.05.2024 kl. 14.10Skagfirðingurinn Freyr Rögnvaldsson hefur verið ráðinn upplýsingafulltrúi Eflingar stéttarfélags. Freyr er stjórnmálafræðingur að mennt, frá Háskóla Íslands og Háskólanum í Lundi. Hann hefur síðustu 17 ár unnið sem blaðamaður á ýmsum fjölmiðlum, meðal annars Heimildinni, Stundinni, DV, Eyjunni, Bændablaðinu og á 24 stundum. Freyr hlaut Blaðamannaverðlaun Blaðamannafélags Íslands árið 2018 fyrir rannsóknarblaðamennsku þegar hann rannsakaði og greindi eignarhald auðmanna á íslenskum bújörðum. Hann hefur þá einnig í tvígang verið tilnefndur til verðlaunanna.Meira -
Góður sigur Tindastóls í Eyjum
feykir.is Skagafjörður, Íþróttir 12.05.2024 kl. 22.28Karlalið Tindastóls spilaði í dag fyrsta leik sinn þetta sumarið í 4. deildinni. Strákarnir sátu hjá í fyrstu umferðinni þar sem leiknum sem vera átti á Króknum í síðustu viku var frestað um mánuð vegna vallaraðstæðna. Því var fyrsti leikur liðsins strembinn útileikur gegn liði KFS á Týsvellinum í Vestmannaeyjum. Stólarnir gerðu sér þó lítið fyrir og lögðu heimamenn í gras. Lokatölur 1-3.Meira -
Sandgerðingar sóttu gull í greipar Húnvetninga
feykir.is Austur-Húnavatnssýsla, Íþróttir, Vestur-Húnavatnssýsla 12.05.2024 kl. 14.07Húnvetningar léku annan leik sinn í 2. deildinni í knattspyrnu í gær og var leikið á Dalvík þar sem Sauðárkróksvöllur er ekki í lagi. Ekki reyndist þessi flutningur yfir í Eyjafjörð liði Kormáks/Hvatar happadrjúgur því lið Reynis hafði betur í leiknum og fór heim í Sandgerði með þau þrjú stig sem voru til skiptanna. Lokatölur 1-3.Meira -
Rabb-a-babb 225: Kristrún Frosta
feykir.is Skagafjörður, Rabb-a-babb 12.05.2024 kl. 11.34Það eru örugglega ekkert allir sem vita að Kristrún Frostadóttir, formaður Samfylkingarinnar – jafnaðarflokks Íslands, rekur ættir sínar í Lýtingsstaðahreppinn. Það var því upplagt að plata hana í að svara Rabb-a-babbi. Kristrún er fædd í maí 1988 en þá var Bítlalagið With a Little Help From My Friends í flutningi Wet Wet Wet á toppi breska vinsældalistans og Perfect með Fairground Attraction í öðru sæti.Meira -
Kemst langt á ákveðni og einbeitingu
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 11.05.2024 kl. 17.51Saga Ísey Þorsteinsdóttir frá Hvammstanga er ansi efnileg knattspyrnustúlka. Hún er nýlega orðin 16 ára gömul en hefur skorað grimmt í gegnum tíðina. Síðasta sumar gerði hún 16 mörk fyrir 3. flokk Tindastóls/Hvatar/Kormáks sem náði fínum árangri á Íslandsmótinu og þrátt fyrir að hún spilaði upp fyrir sig, 15 ára síðasta sumar, þá gerði hún 13 mörk fyrir 2. flokk THK. Svo er Saga Ísey líka í Skólahreystisliði Grunnskóla Húnaþings vestra sem er komið í úrslitin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.