Sex fengu styrk úr Þróunarsjóði BHS
Sex einstaklingar fengu styrk úr Þróunarsjóði Búnaðarsambands Húnaþings og Stranda sem úthlutaðir voru fyrir áramót og var það námsfólk af starfssvæði BHS sem er í landbúnaðartengdu námi sem nutu góðs af.
Þegar búnaðarsamböndin BSAH, BSVH, BSS og Ráðunautaþjónustan sameinuðust í BHS í ársbyrjun 2007 voru settar 5,2 milljónir í sérstakan sjóð sem kallaður er Þróunarsjóður BHS. Á aðalfundi voru samþykktar reglur um úthlutun úr sjóðnum sem segja m.a. að úr sjóðnum megi veita framlög til nýsköpunar og þróunarverkefna í landbúnaði svo og styrkja nemendur í landbúnaðartengdu námi.
Stjórn sjóðsins er stjórn BHS á hverjum tíma og ákvað hún að styrkja nema af svæði BHS sem eru í landbúnaðartengdu námi veturinn 2010-2011. Einungis nemendur sem eiga lögheimili á svæði BHS og eru í fullu námi geta fengið styrk og fjarnám er ekki styrkhæft.
Í reglum um Þróunarsjóð BHS stendur að aðeins megi veita sem nemur ársvöxtum úr sjóðnum en ekki ganga á höfuðstólinn. Í ljósi þess hve innistæður á bankareikningum skiluðu lélegri ávöxtun s.l. ár ákvað stjórn BHS að túlka "landbúnaðartengt" nám mjög þröngt þetta árið og því var ekki hægt að verða við öllum óskum um stuðning, eftir því sem segir á heimasíðu sambandsins.
Eftirtaldir 6 nemar fengu 45 þús kr styrk hver:
- Erla Rún Guðmundssdóttir, Bergsstöðum Svartárdal - er á öðru ári í Búfræðinámi við LBHÍ
- Guðni Ellertsson, Sauðá - er á öðru ári í Búfræðinámi við LBHÍ
- Katrín Sif Rúnarsdóttir, Neðra Vatnshorni - er á öðru ári í ferðamálafræðum við Háskólann á Hólum
- Leifur Georg Gunnarsson, Hvammstanga - er á öðru ári í hestafræðum á Hólum
- Sveinn Óli Friðriksson, Stóra-Ósi – er á fyrsta ári í Búfræðinámi við LBHÍ
- Rúnar Aðalbjörn Pétursson, Hólabæ - er á fyrsta ári í Búfræðinámi við LBHÍ
Fleiri fréttir
-
Skagafjörður fyrir unga fólkið | Jódís Helga Káradóttir skrifar
feykir.is Skagafjörður, Aðsendar greinar 28.02.2026 kl. 13.48Ég tilheyri þeirri kynslóð sem stendur frammi fyrir raunverulegu vali, að flytja burt eða að taka þátt í að byggja upp. Ég hef valið að byggja upp, hér í Skagafirði. Það geri ég af því að ég sé tækifærin sem felast í samfélagi sem er nógu stórt til að vera öflugt en nógu lítið til að hver rödd skipti máli. Skagafjörður hefur sterka ímynd, sögu, öflugt atvinnulíf og ríkulegt menningar- og íþróttastarf. En framtíðin mótast ekki af sjálfu sér. Hún krefst staðfestu og ábyrgðar. Ef við viljum að fleira ungt fólk taki þá ákvörðun að setjast hér að, stofna heimili og byggja upp lífsviðurværi, þurfum við að hafa skýra sýn og staðfestu í framkvæmd.Meira -
Norðurljósatónleikarnir í Miðgarði
feykir.is Skagafjörður, Listir og menning, Lokað efni 28.02.2026 kl. 13.32Það er löngu komin hefð fyrir því í Skagafirði að Kvennakórinn Sóldís haldi sína árlegu tónleika í Miðgarði á sjálfan konudaginn, sem var einmitt síðastliðinn sunnudag 22. febrúar. Þetta eru líka tónleikarnir sem kórkonur baka fyrir og var boðið upp á veislukaffi að tónleikum loknum.Meira -
Högni og Jódís verða í efstu tveimur hjá Miðflokknum í Skagafirði
feykir.is Skagafjörður 28.02.2026 kl. 11.27Skagafjarðardeild Miðflokksins hefur tilkynnt um framboð til sveitarstjórnarkosninga 2026. Í tilkynningu segir að Högni Elfar Gylfason varaþingmaður Miðflokksins í Norðvesturkjördæmi muni skipa oddvitasætið. Högni er sauðfjárbóndi, vélfræðingur og vélvirkjameistari. Í öðru sæti verður Jódís Helga Káradóttir, formaður Ungliðahreyfingar Miðflokksins á Norðurlandi vestra. Jódís stundar nám í viðskiptalögfræði og er starfsmaður Héraðsdóms Norðurlands vestra. Skipan í önnur sæti listans verður birt áður en langt um líður.Meira -
Fallegur og góður dagur í vændum í Tindastólnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 28.02.2026 kl. 11.09Starfsmenn skíðasvæðis Tindastóls voru mættir fyrir allar aldir í Tindastólinn í morgun til að gera klárt fyrir daginn. Svæðið var opnað kl. 10 í morgun og verður opið til kl. 16 og væntanlega verður dagskráin eins á morgun, sunnudag. Opið er í neðri lyftu og töfrateppið pg þá er göngubraut sömuleiðis klár. Sjoppan verður opin frá kl. 12-15.Meira -
Fiskikökur og heimagerð pizza a la Siggi | Matgæðingar Feykis
feykir.is Skagafjörður, Í matinn er þetta helst, Lokað efni 28.02.2026 kl. 09.11Matgæðingarnir í tbl. 37, 2025, voru þau Helga Rós Sigfúsdóttir og Sigurður Óli Ólafsson. Helga og Siggi búa í Varmahlíð með börnunum sínum þremur, Kolbrá Sigrúnu, Mikael Mána og Hrafnhildi Hörpu. Siggi er byggingatæknifræðingur og vinnur hjá Stoð ehf. og Helga Rós er grunnskólakennari og vinnur í Varmahlíðarskóla.Meira
