Skagafjörður gæti orðið sérlega illa úti
Í viðtali við Óla Þór Árnason, veðurfræðing á Veðurstofu Íslands í hádegisfréttum RÚV kom fram að veðurspáin, einkum í kvöld, væri einna verst fyrir Skagafjörð. Tröllaskaginn, sem gjarnan skýlir ákveðnum svæðum í héraðinu, gæti að þessu sinni virkað eins og magnari á veðrið.
„Um og eftir kvöldmat er megnið af landinu komið undir. Skagafjörðurinn kannski lítur einna verst út af þessum stöðum, fyrir utan suðurströndina. Þó svo að Tröllaskaginn geti nú veitt skjól í mörgum veðrum, þá getur hann líka næstum virkað eins og magnari í einmitt svona veðrum. Þar geta orðið mjög slæmir strengir í kvöld og því mjög varhugavert að vera á ferli eftir klukkan átta, níu í kvöld,“ sagði Óli Þór í viðtali í hádegisfréttum RÚV.
Eins og fram hefur komið hér á Feyki.is og öðrum fréttamiðlum ríkir nú óvissustig Almannavarna. Fólk hefur verið minnt á að hafa kerti, eldspýtur, vasaljós og útvörp sem ganga fyrir batteríum við höndina, sem og að hlaða síma, ef hringja þarf neyðarsímtöl. Vindstyrkurinn gæti orðið slíkur að t.d. tré geta rifnað upp með rótum og heyrúllur fokið af stað, en þess má geta að þær eru að jafnaði um 300-400 kíló.
Á Sauðárkróki voru foreldrar beðnir um að sækja leikskólabörn klukkan 15, ýmsum fundum, námskeiðum og öðrum viðburðum sem vera áttu seinnipart dags hefur verið aflýst. Þá var íþróttamiðstöðinni á Blönduósi lokað klukkan fjögur og svo er eflaust um fleiri fyrirtæki og stofnanir á svæðinu.
Uppfært kl. 19:20:
Lýst hefur verið yfir óvissustigi vegna hugsanlegrar snjóflóðahættu á Mið-Norðurlandi, norðanverðum Vestfjörðum og á Austurlandi. Þetta kemur fram á fésbókarsíðu Almannavarnadeildar Ríkislögreglustjóra.
Fleiri fréttir
-
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira -
Vinnsluholan að Reykjum var vígð í dag
feykir.is Austur-Húnavatnssýsla, Lokað efni 13.06.2025 kl. 20.02Ný vinnsluhola, RR-38, var formlega vígð í dag, föstudaginn 13. júní, að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu.Meira -
Selma Barðdal er nýr skólameistari FNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 13.06.2025 kl. 17.06Líkt og Feykir hefur greint frá þá ákvað Ingileif Oddsdóttir skólameistari Fjölbrautaskóla Norðurlands vestra að láta af störfum að loknu skólaári. Nú hefur Guðmundur Ingi Kristinsson, mennta- og barnamálaráðherra, skipað nýjan skólameistara og það er Selma Barðdal Reynisdóttir sem hefur verið sett í embætti skólameistara FNV til fimm ára frá 1. ágúst næstkomandi.Meira
