Skagstrendingar kveikja ljósin á jólatrénu í dag
feykir.is
Austur-Húnavatnssýsla
08.12.2025
kl. 12.36
Það verður jólastemning á Hnappstaðatúni í dag. MYND AF VEF SKAGASTRANDAR
Víðast hvar á Norðurlandi vestra hafa ljós á jólatrjám sveitarfélaganna verið tendruð en þó með undantekningum. Í dag, mánudaginn 8. desember kl. 17:00, stökkva Skagstrendingar hinsvegar til og tendra ljósin á jólatrénu á Hnappstaðatúni.
„Þær upplýsingar hafa borist skrifstofu sveitarfélagsins að nokkrir jólasveinar muni eiga leið um Skagaströnd á þessum tíma og munu þeir líta við. Sveitarfélagið býður upp á grillaða sykurpúða líkt og fyrri ár,“ segir í tilkynningu á vef Skagastrandar.
Oft þykir okkur jólalegra að hafa snjó þegar ljós eru tendruð á jólatrjám en það er lítið af honum þessa dagana og ekki útlit fyrir að breyting verði á því í dag en veðrið verður væntanlega með ágætum, gert er ráð fyrir stilltu veðri og hita um frostmark.
Fleiri fréttir
-
Vel heppnað fræðsluerindi
feykir.is Skagafjörður, Mannlíf, Lokað efni 08.12.2025 kl. 12.04Þann 25. nóvember sl. bauð fjölskyldusvið sveitarfélagsins upp á fræðslu fyrir alla áhugasama um velferð barna. Í frétt á vef Skagafjarðar segir að yfirskrift fræðslunnar hafi verið Hvað liggur á bak við erfiða hegðun og var það Aðalheiður Sigurðardóttir, tengslaráðgjafi á sviðinu, sem flutti erindið.Meira -
Alvarlegt umferðarslys á Sauðárkróki í gær
feykir.is Skagafjörður, Lokað efni 07.12.2025 kl. 17.53Ekið var á hjólreiðamann á Sauðárkróki seinnipartinn í gær nálægt gatnamótum Skagfirðingabrautar og Sauðárkróksbrautar. Um alvarlegt slys var að ræða og var maðurinn fluttur með sjúkraflugi á Landspítalann Borgarsjúkrahús mikið slasaður samkvæmt upplýsingum Feykis.Meira -
Allt upp á ellefu í Miðgarði í gær
feykir.is Skagafjörður, Listir og menning, Lokað efni 07.12.2025 kl. 15.04Hin árlega tónlistarveisla, Jólin heima, var haldin í Menningarhúsinu Miðgarði í Varmahlíð í gærkvöld fyrir troðfullu húsi gesta sem voru vel með á nótunum frá fyrstu til síðustu mínútu. Og þvílíka veislan! Þessir snillingar sem við eigum toppuðu sig út kvöldið með hverjum gæsahúðarflutningnum á eftir öðrum og þá erum við að tala um allan pakkann; söngvarana, tónlistarmennina, hljóð og ljós. Þetta var allt upp á ellefu.Meira -
Um 900 þúsund söfnuðust í Bangsaleiknum
feykir.is Skagafjörður, Íþróttir, Mannlíf, Lokað efni 06.12.2025 kl. 15.21„Mér fannst Bangsakeikurinn heppnast alveg frábærlega. Það söfnuðust um 900.000 kr fyrir Einstök börn og það var frábært að sjá hvað börnin voru glöð í lok leiks. Við erum staddir núna á Akureyri þar sem við vorum að færa barnadeildinni á sjúkrahúsinu bangsa sem verður svo hægt að gefa börnum sem þurfa að liggja inni í kringum hátíðarnar,“ sagði Arnar Guðjónsson þjálfari Tindastóls þegar Feykir náði í skottið á honum í dag.Meira
