Skákþingi Norðlendinga um helgina
Skákþing Norðlendinga fór fram í Safnahúsinu á Sauðárkróki um helgina og kepptu tuttugu skákmenn í opnum flokki. Tefldar voru sjö umferðir og fóru leikar þannig að sigurvegari varð stórmeistarinn og ellefufaldur Íslandsmeistari Hannes Hlífar Stefánsson sem hlaut 7 vinninga. Í öðru sæti varð Hafnfirðingurinn Þorvarður Fannar Ólafsson með 5 ½ vinning og jafnir í þriðja sæti urðu þeir Sverrir Örn Björnsson Hafnfirðingur og Stefán Bergsson frá Akureyri.
Stefán var sá eini af þessum mönnum sem er búsettur á Norðurlandi og hlaut hann því titilinn Skákmeistari Norðlendinga 2013. Til að hljóta titilinn varð Stefán að sigra Hannes Hlífar í síðustu umferð sem hann gerði og er hann vel að titlinum kominn. Stefán gerði sér síðan lítið fyrir og sigraði í Hraðskákmóti Norðlendinga, vann allar tólf viðureignirnar.
Sérstök aukaverðlaun hlaut Reykvíkingurinn Vigfús Vigfússon fyrir bestan árangur skákmanna undir 2000 skákstigum og Siglfirðingarnir Jakob Sigurðsson og Sigurður Ægisson, auk heimamannsins Jóns Arnljótssonar fengu verðlaun þeirra sem voru undir 1800 stigum.
Í upphafi mótsins var Haraldur Hermannsson heiðraður bæði af Skákfélagi Sauðárkróks og Skáksambandi Íslands fyrir áralangt starf að eflingu skáklistarinnar í Skagafirði en Haraldur er ný orðinn 90 ára og hefur um áratuga skeið verið í fararbroddi þeirra sem hafa haldið úti skákstarfi í héraðinu.
Hægt er að sjá myndir og úrslit í mótinu á heimasíðunni www.skakkrokur.blog.is
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
