Skíðavertíðinni lokið í Tindastóli
Skíðasvæði Tindasóls hefur nú verið lokað og allri starfsemi í fjallinu lokið þessa tímabils. Alls heimsóttu 4023 skíðamenn svæðið og renndu sér á skíðum í vetur og var það opið í 73 daga.
Þetta er nokkuð færri heimsóknir en var á síðasta tímabili en þá komu um 6600 gestir og segir Viggó Jónsson staðarhaldari í Stólnum, skýringuna vera þá að veður hafi oft verið leiðinlegt, rok og umhleypingasamt. Þá er Viggó óhress með þá ákvörðun ríkisstjórnarinnar að hafa tekið uppbyggingu vegarins að skíðasvæðinu út af vegaáætlun en lofað hafði verið að klæða veginn bundnu slitlagi árið 2008.
–Maður spyr sig á hvaða blaðsíðu þeir eru þar sem boðaðar hafa verið aðgerðir til bættrar aðstöðu á helstu ferðamannastöðum á landinu, en taka þessa framkvæmd út af vegaáætlun. Vegurinn er nánast ófær hingað uppeftir, segir Viggó og bendir á að skíðasvæðið er ferðamannaparadís utan hins venjulega ferðamannatíma og þjónar öllu Norðurlandi vestra. –Þetta er ekki bara fyrir Skagfirðinga heldur hafa Húnvetningar einnig sótt svæðið af miklum áhuga og myndugleik.
Sigurður Bjarni Rafnsson formaður skíðadeildar Tindastóls segir mikla aukningu hafa orðið hjá þeim sem æfa reglulega og nú sé stór hópur krakka á Andrésar Andar leikunum á Akureyri. –Það eru 43 krakkar frá okkur á Andrési, bæði Skagfirðingar og Húnvetningar og hefur gengið mjög vel. T.d. náði María Finnbogadóttir gullverðlaunum í stórsvigi 10 ára í gær. Í dag er svo annar keppnisdagur mótsins og mikil gleði og hamingja í hópnum, segir Sigurður. Uppskeruhátíð skíðadeildarinnar verður svo haldin í Varmahlíð þann 12. maí.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
