Skipulagslýsing fyrir nýjan selaskoðunarstað á Vatnsnesi
Sveitarstjórn Húnaþings vestra hefur samþykkt að leita umsagnar á skipulagslýsingu fyrir deiliskipulag í landi Flatnefsstaða í Húnaþingi vestra skv. 40. gr. skipulagslaga nr. 123/2010. Markmið með fyrirhuguðu deiliskipulagi er uppbygging á nýjum sela- og náttúruskoðunarstað á Vatnsnesi til að dreifa álagi ferðaþjónustu á náttúruna.
Deiliskipulagið er unnið fyrir Selasetur Íslands á Hvammstanga, í samstarfi við Húnaþing vesta og landeigendur Flatnefsstaða. Selasetrið sótti um styrk í Framkvæmdasjóð ferðamannastaða fyrir árið 2018 vegna Flatnefsstaða og fékk styrk vegna vinnu við deiliskipulag og hönnun á aðkomuvegi, bílastæðum, göngustígum, pöllum o.s.frv.
Svæðið sem um ræðir er um 90 ha að flatarmáli og nær yfir hluta jarðarinnar Flatnefsstaða sem er á vestanverðu Vatnsnesi. Í auglýsingu á vef Húnaþings vestra segir að skipulagssvæðið afmarkist nokkuð vestan við vegslóða sem liggur í gegnum land Flatnefsstaða af Vatnsnesvegi og liggur niður að sjó. Jörðin Flatnefsstaðir, og þar með skipulagssvæðið, liggur að landamerkjum jarðanna Saurbæjar í austri og Tjarnar í vestri. Einkennist svæðið neðan Vatnsnesvegar af mólendi og klapparholtum en við ströndina eru brattir klettar í sjó fram ásamt nokkrum smávíkum.
Í skipulagslýsingu segir m.a. „Svæðið er ekki viðkomustaður ferðamanna en svæðið þykir tilvalið til selaskoðunar og því er verið að skipuleggja svæðið sem selaskoðunarstað. Vegna þess þarf að útbúa aðstöðu ferðamanna sem fara að og um svæðið og þörf er á að byggja þar upp aðstöðu og bæta aðgengi. Vegna þess er þörf á að skipuleggja svæðið og skilgreina betur aðkomusvæði, bílastæði, gönguleiðir, áningar- og útsýnisstaði ásamt því að staðsetja salernisbyggingu og að setja önnur ákvæði sem ástæða er til að skilgreina í deiliskipulagi.“
Skipulagslýsingin sem er sett fram í greinargerð verður til sýnis í Ráðhúsi Húnaþings vestra, Hvammstangabraut 5, 530 Hvammstanga og á heimasíðu sveitarfélagsins www. hunathing.is frá 19. júní – 10. júlí 2018
Íbúum og hagsmunaaðilum gefst kostur á að leggja fram sjónarmið og ábendingar við skipulagslýsinguna. Skal þeim skilað skriflega á skrifstofu Húnaþings vestra eða á netfangið skrifstofa@hunathing.is fyrir 10. júlí 2018.
Skipulagslýsinguna má sjá HÉR
Fleiri fréttir
-
Landsmót Samfés á Blönduósi gekk framar öllum vonum
feykir.is Austur-Húnavatnssýsla, Mannlíf, Lokað efni 08.10.2025 kl. 09.00Mikið var um að vera á Blönduósi sl. helgi þegar Landsmót Samfés var haldið. Þetta var ekki fyrsta landsmót Samfés sem haldið er á Blönduósi því fyrsta landsmótið fór fram þar árið 1990. Að sögn Kristínar Ingibjargar Lárusdóttur, menningar-, Íþrótta-, og tómstundafulltrúa Húnabyggðar, var stemningin frábær og mikið líf og fjör í bænum alla helgina.Meira -
Fræðsluviðburðir um sniglarækt
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.10.2025 kl. 08.50Eimur hefur hrundið af stað verkefninu „Sniglarækt, sjálfbær nýting glatvarma“, sem hefur það meginmarkmið að kynna og innleiða sniglarækt sem raunhæfan, sjálfbæran og nýskapandi valkost fyrir bændur, frumkvöðla og aðra áhugasama um sjálfbæra nýsköpun í landbúnaði á Íslandi. Fræðslufundir ver'a á Hvammstanga 14. október og á Sauðárkróki 15. október.Meira -
Spáð vonskuveðri á Öxnadalsheiði í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 08.10.2025 kl. 08.33Kröpp lægð gengur nú yfir landið og gulum veðurviðvörunum hefur verið skellt á sunnan- og vestanvert landið þar sem reiknað er með að vindur verði snarpari en hér norðanlands. Engu að síður er gert ráð fyrir roki og rigningu hér á Norðurlandi vestra þó reikna megi með að Skagfirðingar fái heldur meira af bleytunni en Húnvetningar.Meira -
Aukatónleikar Jólin Heima komnir í sölu
feykir.is Skagafjörður, Listir og menning 07.10.2025 kl. 15.51Uppselt er orðið á kvöldtónleika Jólin Heima sem fram fara þann 6. desember í Menningarhúsinu Miðgarði í Varmahlíð. Tónleikahaldarar hafa því dottið niður á þá snilldarhugmynd að bæta við aukatónleikum og hefjast þeir kl. 17:00 og að sjálfsögðu verður sama sjóið í boði á aukasýningunni – full keyrsla og allir í jólastuði!Meira -
IÐNAÐARSÝNINGIN 2025 í Laugardalshöll
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 07.10.2025 kl. 11.02Dagana 9. til 11. október verður IÐNAÐARSÝNINGIN 2025 haldin í Laugardalshöll. Iðnaður á Íslandi er afar fjölþættur og skapar um 41% útflutningstekna þjóðarinnar. IÐNAÐARSÝNINGIN 2025 endurspeglar þessa breidd og verður hún með stærri sýningum hér á landi en á annað hundrað fyrirtæki kynna vörur og þjónustu.Meira
