Snjólaug landaði sínum fyrsta sigri
Um síðustu helgi fór fram landsmót í leirdúfuskotfimi (skeet) á Akureyri. Skotfélagið Markviss átti fjóra keppendur á þessu móti. Keppni í kvennaflokki lauk á laugardaginn og að sögn félagsins hafði hún verið æsispennandi en íslandsmet kvenna var jafnað og svo tvíbætt á mótinu.
Þegar kom að úrslitum var Helga Jóhannsdóttir (SIH) efst að stigum, Snjólaug M Jónsdóttir (Markviss) var önnur og Árný G. Jónsdóttir þriðja.
Í úrslitum hafði svo Snjólaug sigur en Helga hafnaði í öðru sæti og Árný varð þriðja.
Snjólaug landaði því sínum fyrsta sigri í sumar og er baráttan í bikarkeppni kvenna orðin ansi hörð en þrjár konur eru efstar og jafnar að stigum þegar 2 mót eru eftir auk bikarmóts.
Í karlakeppninni vann Guðmann Jónasson 1.flokkinn og var annar inn í úrslit á skorinu 107/125 en náði sér ekki á strik í úrslitum og hafnaði í sjötta sæti á mótinu.
Brynjar Þór vantaði örfá stig til að ná inn í úrslit og hafnaði í sjöunda sæti á skorinu 94/125.
Sverrir Snær keppti á sínu öðru móti og stóð sig með sóma og endaði í 3 sæti í byrjendaflokk.
Næsta mót er svo Íslandsmeistaramótið sem haldið verður af Skotíþróttafélagi Suðurlands dagana 27.-28. júlí og mun skotfélagið Markviss að sjálfsögðu eiga keppendur þar bæði í karla og kvennaflokki.
Skotfélagið Markviss minnir á opinn dag á skotsvæði Markviss laugardaginn 20. júlí nk. á milli kl.15.00 og 18.00 en þar gefst gestum og gangandi tækifæri til að prófa leirdúfuskotfimi og bogfimi, en Indriði Grétarsson formaður Bogveiðifélags Íslands mætir á svæðið og verður með bogfimikynningu.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
