Spáir vætu út vikuna
Nú fer að breyta til í veðrinu á Norðurlandi vestra því Veðurstofan hefur boðað úrkomu á morgun. Það er ekki seinna vænna þar sem hundadagar hófust síðastliðin föstudag en því hefur verið haldið fram að ef rignir fyrstu þrjá hundadaganna muni verða votviðrasamt það sem eftir liði þá góðu daga en þeir endast allt til 23. ágúst. Þar sem þeir þrír fyrstu voru þurrir og góðir gerir veðurfræðideild Feykis ekki ráð fyrir rigningarsumri.
Spá Veðurstofunnar fyrir Strandir og Norðurland vestra er eftirfarandi:
Hæg breytileg átt eða hafgola og víða léttskýjað en sums staðar þokubakkar við ströndina. Stöku síðdegisskúrir í innsveitum. Norðlæg átt, 3-8 m/s á morgun, skýjað að mestu og rigning með köflum. Hiti 10 til 18 stig, svalast á annesjum.
Veðurhorfur á landinu næstu daga
Á fimmtudag og föstudag:
Hæg breytileg átt. Skýjað eða skýjað með köflum og víða skúrir. Hiti 10 til 18 stig.
Á laugardag:
Hægt vaxandi suðaustan átt. Dálitlar skúrir, en fer að rigna suðvestantil um kvöldið. Hiti 12 til 20 stig, hlýjast norðanlands.
Á sunnudag:
Ákveðin suðaustan átt og rigning um allt land. Hægari og úrkomuminna síðdegis. Hlýtt í veðri.
Á mánudag:
Útlit fyrir norðlæga átt. Væta á norðanverðu landinu, en léttir til sunnan heiða. Kólnandi veður.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
