Spor birnunnar á Hrauni á Skaga
Myndir af meintum fótsporum hvítabjarnar, sem talið er að hafi sést á sundi í Húnaflóa í fyrradag, voru birtar í fjölmiðlum í gær en myndirnar voru teknar í fjörunni í Sandvík, rétt fyrir neðan Geitafell á Vatnsnesi. Þá dró dýrafræðingurinn Karl Skírnisson í efa að um spor eftir hvítabjörn sé að ræða, í kvöldfréttum Rúv, þar sem honum þótti myndirnar ógreinilegar.
Jón Pálmason frá Sauðárkróki tók mynd af ísbjarnarsporum á Hrauni á Skaga þann 17. júní 2008, örfáum andartökum eftir að birnan sem kom þar á land var felld. Hann vildi gera fólki grein fyrir því hvernig spor hvítabirnir skilja eftir sig, en mikilvægt er að vera vakandi fyrir þessum hættulegu dýrum.
Á myndinni má sjá greinileg fótsporin þar sem mótar fyrir hverri tá og hvernig birnan dró klærnar eftir jörðinni á göngu sinni. En hvítabirnir hafa breiða og stutta hramma að framan en lengri að hramma aftan en birnirnir synda með framfótunum en stýra með afturfótunum, samkvæmt Enchantedlearning.com.
Leitin af hvítabirninum hélt áfram á hádegi í dag en samkvæmt heimasíðu Landhelgisgæslunnar var ákveðið, eftir samráð Landhelgisgæslunnar og lögreglunnar á Blönduósi, að þyrla Gæslunnar verði áfram notuð til þess að leita að hvítabirninum. Leitað verður á Vatnsnesi en ekki verður leitað lengi í dag nema ákveðnar vísbendingar um farir bjarnarins komi fram.
„Fólk er beðið að hafa varann á sér og tilkynna til lögreglu verði það vart við eitthvað einkennilegt. Hvítabirnir eru hættulegir og óvist hvar dýrið er, það gæti verið hvar sem er við Húnaflóa segir Hilmar Þór Hilmarsson,varðstjóri hjá lögreglunni á Blönduósi. Lögreglan er ekki með aukinn mannskap eins og er en til greina kemur að kalla til fleiri menn segir Hilmar,“ segir á Rúv.is
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
