Sr. Solveig Lára valin vígslubiskup á Hólum
Í dag voru talin atkvæði í síðari umferð kosningar til embættis vígslubiskups á Hólum og hlaut þá sr. Solveig Lára Guðmundsdóttir kosningu í embættið. Auk Solveigar var sr. Kristján Björnsson einnig í kjöri í seinni umferð.
Samkvæmt heimasíðu Þjóðkirkjunnar féllu atkvæðin þannig að sr. Kristján Björnsson fékk 70 atkvæði og sr. Solveig Lára Guðmundsdóttir fékk 96 atkvæði. Alls voru 181 á kjörskrá, 174 greiddu atkvæði eða 96 %. Þrjú atkvæði voru auð og fimm ógild.
Sr. Solveig Lára verður vígð í embætti þann 12. ágúst næstkomandi, á Hólahátíð, af sr. Agnesi M. Sigurðardóttur sem tekur við embætti biskups Íslands í næstu viku. Solveig tekur við af sr. Jóni Aðalsteini Baldvinssyni sem var vígður biskup á Hólum í júní 2003.
Solveig Lára Guðmundsdóttir er sóknarprestur á Möðruvöllum í Hörgárdal en hún var áður sóknarprestur á Seltjarnarnesi. Eiginmaður hennar er sr. Gylfi Jónsson. Þau eiga fjögur börn og tvö barnabörn.
Sr. Solveig Lára segir á heimasíðu Þjóðkirkjunnar:
„Mér efst í huga óendanlegt þakklæti fyrir það að svo margir skyldu treysta mér til að sinna þessu embætti sem ég hlakka mikið til að takast á við,“ sagði sr. Solveig Lára þegar úrslit voru ljós. „Það er búið að vera ótrúlega skemmtilegt að ferðast um Hólastifti og kynnast öllu þessu frábæra fólki sem að nú hefur rétt að velja biskup og ég hlakka mikið til að vinna með því áfram. Og ég er þakklát Guði fyrir handleiðslu hans í gegnum þetta langa ferli.“
Þar má einnig sjá yfirlýsingu frá sr. Kristjáni Björnssyni:
„Það varð eindreginn vilji kjörmanna að fá sr. Sólveigu Láru Guðmundsdóttur sem næsta vígslubiskup á Hólum í Hjaltadal. Árna ég systur minni heilla í vandsamri þjónustu sem hún hefur verið valin til. Við þessi úrslit þakka ég öllu því góða fólki sem lagði framboði mínu lið með áhuga og stuðningi. Þakka ég góð kynni. Bið ég Guð að blessa kirkjuna í Hólaumdæmi og Þjóðkirkjuna okkar.“
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
