Stærsta ferðhelgi ársins framundan
feykir.is
Skagafjörður, Austur-Húnavatnssýsla, Vestur-Húnavatnssýsla
02.08.2018
kl. 13.00
Mynd: Pexels.com
Verslunarmannahelgin er ein af umferðarþyngstu helgum ársins. Sem betur fer hefur umferðin gengið ágætlega þá helgi undanfarin ár. Öll viljum við halda þeirri þróun áfram en til þess þurfa allir að leggja sitt af mörkum. Mikilvægt er að huga að forvörnum sem tengjast umferðin á þessum tíma til að allt gangi eins vel og kostur er.
VÍS hefur vakið athygli á eftirfarandi atriðum sem vert er að hafa huga við akstur um helgina:
- Hraðakstur sparar lítinn tíma en eykur mjög líkur á slysi. Framúrakstur, þegar umferðarraðir eru langar, gerir lítið annað en að auka slysahættu. Reynum að liðka fyrir umferð og miðum hraðann við hámarkshraða og aðstæður hverju sinni.
- Ölvunarakstur hefur valdið fleiri slysum síðustu tvö ár heldur en árin þar á undan. Rannsóknir sýna að ölvaðir ökumenn eru 50 sinnum líklegri til að valda banaslysi en allsgáðir. Munum að það getur tekið allt að 18 klukkustundir fyrir áfengi að fara úr líkamanum.
- Svefn og þreyta er fjórða algengasta orsök banaslysa í umferðinni hér á landi. Rannsóknir sýna að það er þrisvar sinnum líklegra að slys vegna þreytu valdi dauðsfalli eða örkumlun heldur en ef um hraðakstur er að ræða þar sem sofandi ökumaður bregst ekki við aðstæðum. Samkvæmt könnun Samgöngustofu hefur rúmlega helmingur ökumanna orðið skyndilega mjög syfjaður í akstri á undanförnum 6 mánuðum og það sem verra er, er að 4% þeirra hafa sofnað við aksturinn. Ökum á öruggt svæði og tökum 15 mínútna kríu ef svefninn sækir að.
- Truflun við akstur er vaxandi vandamál og síminn þar helsta ástæðan. Erlendar rannsóknir sýna að ef talað er í síma við akstur veldur það 35% athyglisskerðingu og ökumaðurinn er fjórum sinnum líklegri til að lenda í alvarlegu umferðarslysi.
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.