Stefnir í hörkufjör á réttarballi í Húnaveri
Réttarball verður haldið í Húnaveri annað kvöld, laugardaginn 8. september og ætlar hljómsveitin Sigg að leika fyrir dansi en að sögn Turid Rós Gunnarsdóttur, rekstaraðila Húnavers, er þéttari takt og meiri læti erfitt að finna. Húsið opnar kl. 11 og stendur fjörið til kl. 3.
Ekki hefur verið haldið réttarball í Húnaveri um árabil en samkvæmt Turid Rós Gunnarsdóttur er mikill áhugi fyrir því að gera þetta að árlegum viðburði ef vel tekst til.
„Það eru réttir í Auðkúlurétt , Stafnsrétt, Undirfellsrétt og víðar um daginn og því um að gera að skella sér á ball um kvöldið. Við vonumst til að sjá sem flesta,“ segir Turid Rós.
Hljómsveitin Sigg ætlar að halda uppi fjörinu en tveir hljómsveitarmeðlimir eiga ættir að rekja til Húnavatnshrepps, þau eru Sif Guðmundsdóttir (söngur og hrista) frá Saurbæ í Vatnsdal og Gunnar Örn Gunnarsson (söngur og gítar) en hann ólst upp í Hvammi II í Vatnsdal.
„Sif er ein af betri söngkonum landsins og ef það þarf „professional“ söngkonu þá er leitað til hennar. Gunnar hefur verið að láta gítarinn væla og syngja í hinum ýmsu böndum frá 1990,“ segir Turid Rós.
Með þeim leika Guðni Hannesson (söngur og bassi) borgarbarn með meiru en samkvæmt Turid þá skiptir ekki máli hvort það er bassi, gítar eða eitthvað annað, þá getur Guðni spilað á það. Þorbergur Ólafsson spilar á trommur en hann ólst upp á Sauðárkrók.
Aldurstakmark er 16 ár og miðaverð er 2500 kr.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
