Steiktur fiskur í karrý og fleira góðgæti
„Róbert Kristjánsson og Þórlaug Svava Arnardóttir heitum við og búum við á Þórshamri á Skagaströnd. Við störfum bæði á Olís, Róbert sem verslunarstjóri og Þórlaug sem vaktstjóri. við eigum fjögur börn, Emblu, Kristján Örn, Rebekku Heiðu og Viktor, á aldrinum tveggja ára til tuttugu ára og eitt barnabarn, Ívar, sem er eins árs." sögðu matgæðingar 33. tölublaðs ársins 2013 en uppskriftirnar sögðu þau vera í lágkolvetna-lífstíl (LKL) þar sem þau fylgdu þeim lífstíl.
Aðalréttur
Steiktur fiskur í karrý
800 g ýsuflök eða þorskur
raspur
2 dl sesamfræ
4 msk kókoshveiti ( ég nota dr.georg)
1 msk karrý
smá salt
smá sítrónupipar
Aðferð:
Blandað saman á disk. Tvö egg og smá rjómi hrært saman. Fiskinum dýft í rjómablönduna og velt upp úr raspinum. Síðan er þetta léttsteikt á pönnu upp úr smjöri og sett í ofnskúffu og rifnum osti dreift yfir fiskinn. Sett inn í 200 gráðu heitan ofn þar til osturinn hefur bráðnað.
Með þessu höfum við borið fram steikt grænmeti t.d. kúrbít,rauðlauk,papriku,sveppi og blómkálsmús.
Blómkálsmús
1 haus blómkál
½ rifinn piparostur
1 msk smjör
3 msk sýrður rjómi 18%
salt og pipar eftir smekk
Aðferð:
Blómkál soðið og maukað niður öllu hinu blandað saman við. Gott að nota töfrasprotann á þetta. Svo er voða gott að fá heimagerðan ís í eftirrétt.
Heimagerður ís
5 stk. eggjarauður
5 stk. eggjahvítur
5 msk sykur (ég nota erythritol sætuefni)
½ líter rjómi
2 tsk vanilludropar
Aðferð:
1. Eggjarauður og sykur þeytt vel saman.
2. Stífþeyta eggjahvítur.
3. Stífþeyta rjóma.
Eggjarauðuhrærunni og rjómanum er blandað saman með sleif. Síðan er stífþeyttum eggjahvítum blandað varlega saman við og að lokum má bæta við t.d söxuðu toblerone eða 70 % súkkulaði ef fólk vill.
Verði ykkur að góðu!
Fleiri fréttir
-
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.