Steingrímur J. vill lánsveð hjá lífeyrissjóðum
Steingrímur J. Sigfússon þingmaður VG mælti í gær fyrir frumvarpi, sem heimilar ríkinu að mæta kostnaði vegna aðgerða í þágu lántakenda með lánsveð hjá lífeyrissjóðum. Frumvarpið er í samræmi við samkomulag sem náðist milli þáverandi ríkisstjórnar og lífeyrissjóðanna í aprílmánuði sl., en þá undirrituðu stjórnvöld og forsvarsmenn lífeyrissjóðanna sameiginlega viljayfirlýsingu um aðgerðir í þágu yfirveðsettra heimila að meðtöldum lánsveðum.
Meginmarkmið aðgerða á grundvelli viljayfirlýsingarinnar er að jafna stöðu lánsveðshópsins og þeirra sem fengu úrlausn samkvæmt svonefndri 110% leið á árinu 2011.
Samkomulag stjórnvalda og lífeyrissjóðanna er m.a. háð því skilyrði að ríkið afli sér nauðsynlegra lagaheimilda til að skuldbinda ríkissjóð til að greiða til viðkomandi lífeyrissjóða stærstan hluta kostnaðar af lækkun eftirstöðva lánsveðslána. Brýnt er að afla þessara heimilda svo hægt sé að hefja vinnu við framkvæmd lækkunarinnar, en úrlausn mála fyrir lánsveðshópinn er mikið jafnræðis- og sanngirnismál, segir í tilkynningu frá VG.
-Núverandi ríkisstjórn virðist ekki hafa sinnt um þetta mál þrátt fyrir öll sín loforð um að aðstoða skuldsett heimili. Við viljum því láta á það reyna hvort ekki sé við það fullnægjandi stuðningur á Alþingi að loksins og eftir miklar tafir hefjist nú vinna við að rétta hlut lánsveðshópsins“, segir Steingrímur.
Fleiri fréttir
-
Stefnir í sameingarviðræður Dalabyggðar og Húnaþings vestra
feykir.is Vestur-Húnavatnssýsla, Lokað efni 12.06.2025 kl. 11.21Á sveitarstjórnarfundi í Húnaþingi vestra í dag verður tekin endanleg ákvörðun um hvort ákveðið verði að hefja formlegar sameiningarviðræður við Dalabyggð. Sveitarstjórn Dalabyggðar hefur þegar samþykkt að hefja sameiningarviðræður en sú ákvörðun var endanlega samþykkt á fundi sveitarstjórnar Dalabyggðar þann 10. júní sl.Meira -
Ungmenna og íþróttafélagið Smári 30 ára
feykir.is Skagafjörður, Íþróttir, Mannlíf, Lokað efni 12.06.2025 kl. 09.50Ungmenna og íþróttafélagið Smári sem starfar í Varmahlíð og sveitunum í kring er 30 ára um þessar mundir. Smári varð til við sameiningu fjögurra ungmennafélaga...Meira -
Smábæjarleikar að hefjast á Blönduósi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 12.06.2025 kl. 08.55Smábæjaleikarnir á Blönduósi fara fram um helgina og er þetta í 21. skiptið sem þeir eru haldnir. Keppt er í knattspyrnu í stúlkna- og drengjaflokkum í 8., 7., 6. og 5. flokki.Meira -
Styrktarsjóður geðheilbrigðis auglýsir eftir umsóknum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 12.06.2025 kl. 08.37Styrktarsjóður geðheilbrigðis auglýsir eftir umsóknum í fimmta sinn en tilgangur sjóðsins er að stuðla að framförum í geðheilbrigðismálum með því að veita styrki til verkefna og rannsókna sem bætt geta geðheilbrigði íbúa Íslands og/eða skilning þar á.Meira -
Fæðingardeildin 50 ára
feykir.is Skagafjörður, Hestar, Mannlíf, Lokað efni 11.06.2025 kl. 14.12Einn af föstu punktunum í tilverunni á Króknum er fæðingardeild Sauðárkrókshesta sunnan við bæinn. Sauðárkrókshestar er ræktunarnafn Guðmundar Sveinssonar og fjölskyldu. Sveinn faðir Guðmundar lagði grunninn að þessari ræktun með þeim mæðgum, Ragnars Brúnku og Síðu frá Sauðárkróki.Meira
