Stígamót í Skagafirði
Guðrún Jónsdóttir og Þórunn Þórarinsdóttir talskonur Stígamóta voru á Sauðárkróki fyrir helgi en Stígamót hyggjast nú í apríl hefja þjónustu við íbúa á Norðurlandi vestra og mun Þórunn koma á Sauðárkrók og vera með viðtöl við einstaklinga.
Að sögn þeirra Stígamótakvenna hafa samtökin nú þegar farið um landið og boðið sambærilega þjónustu og segja þær að því miður hafi þörfin alls staðar verið til staðar og nú þegar viti þær til þess að þörf sé fyrir starfsemina á Norðurlandi vestra enda hafi verið beðið um aðstoð.
Á Sauðárkróki buðu þær upp á svokallaðan fagfund þar sem mættu fagaðilar innan skóla, sveitastjórna, prestar og fleiri sem fengu fræðslu og starfsemi Stígamóta. Þá var haldinn opinn fundur á Sauðárkróki auk þess sem Stígamótakonur heimsóttu nemendur Fjölbrautaskóla Norðurlands vestra.
Samkvæmt tölfræði og íbúafjölda í Skagafirði segja þær að gera megi ráð fyrir að 120 stelpur og 41 strákur í Skagafirði hafi verið beitt kynferðislegu ofbeldi.
Viðtöl við fulltrúa Stígamóta kosta ekki neitt og eru án skuldbindinga.
Þær Dóra Valgarðsdóttir og Erla Einarsdóttir voru á dögunum í opinskáu viðtali í Fréttatímanum um kynferðislegt ofbeldi sem þær urðu fyrir. Viðtölin við þær má lesa hér.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
