Stofnun klasa í ferðaþjónustu á Norðurlandi vestra
Í dag mánudaginn 16. maí verður haldinn kynningarfundur um stofnun klasa í ferðaþjónustu á Norðurlandi vestra Fundurinn mun fara fram á veitingastaðnum Pottinum og Pönnunni á Blönduósi og hefst klukkan 14:00.
Í tilkynningu frá undirbúningsnefnd segir; „Boðið er til almenns kynningarfundar allra sem áhuga hafa, eiga hagsmuna að gæta og telja sig málið varða að myndaður verði klasi um Ferðaþjónustu og atvinnugreina sem tengjast henni þ.e.afleiddra greina.
Hópur fólks í ferðaþjónustu hefur um nokkurt skeið leitað samstarfsleiða til að efla starfsemi sína – auka tekjurnar. Margar hugmyndir hafa komið fram en erfiðara hefur reynst að koma þeim í framkvæmd, einkum vegna þess að óhægt er um vik að bæta vinnu hjá hverjum og einum.
Hópurinn kaus undirbúningsnefnd sem hefur nú lagt fram tillögur um leið til að af framkvæmdum verði. Mánudaginn 16. maí kynnir Lára Magnúsardóttir, forstöðumaður Rannsóknaseturs HÍ á Norðurlandi vestra þessar hugmyndir, sem hún vann í samvinnu við Sigríði Hjaltadóttur stjórnarformanni Byggðasafnsins á Reykjum.
Lagt er til að stofnaður verði klasi sem hefði það að markmiði að kortleggja stöðu ferðaþjónustu á Norðurlandi vestra á sex mánuðum. Afraksturinn verður heildstæð sýn á stöðu og möguleika atvinnugreinarinnar, þar sem koma fram verkefni sem eru til, tillögur um ný verkefni, tillögur um tengingar verkefna og svo framvegis. Í stuttu máli svæðisbundin úttekt og stefna til að taka frekari skref til bóta fyrir ferðaþjónustu á svæðinu: tæki til að vinna markvisst.
Á fundinum verður svarað spurningum eins og: Hvers vegna að stofna klasa? Hver á að vinna verkið? Hvaðan fást peningar? Hvaða væntingar eru gerðar til klasamyndunar?“
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
