Stormur í aðsigi
Veðurstofan hefur gefið út viðvörun en búist er við stormi (meira en 20 m/s), fyrst NV-til í dag en um allt land seint í kvöld og á morgun. Spáin fyrir Strandir og Norðurland vestra er á þá leið að það gengur í norðaustan 13-20 með morgninum með rigningu, en slyddu til fjalla. Norðan 15-23 í kvöld og dregur úr úrkomu vestast, en bætir heldur í úrkomu um tíma á morgun. Hiti 2 til 7 stig.
Veðurhorfur á landinu næstu daga
Á þriðjudag:
Minnkandi norðanátt V-til en NV 10-20 m/s um landið austanvert en lægir smám saman þar um kvöldið. Úrkomulítið um landið sunnan- og vestanvert, rigning austanlands, en snjókoma til fjalla fram eftir degi. Hiti 2 til 12 stig, mildast syðst.
Á miðvikudag:
V-læg átt, 5-13 m/s en vaxandi SA átt SV-til um kvöldið. Skýjað með köflum og þurrt að kalla en fer að rigna S- og V-lands um kvöldið. Hiti 1 til 8 stig, mildast S-til.
Á fimmtudag:
Ákveðin norðlæg átt, víða 8-15 m/s. Rignign um allt land, en skúrir síðdegis. Hiti breytist lítið.
Á föstudag:
Hægt minnkandi norðvestanátt. Rigning N-til en bjartviðri syðra. Styttir að mestu upp undir kvöld. Hiti 2 til 10 stig, mildast SA-til.
Á laugardag:
Útlit fyrir suðaustlæg átt með úrkomu V-til en þurru fyrir austan. Hiti breytist lítið.
Spá gerð: 09.09.2012 08:25. Gildir til: 16.09.2012 12:00.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
