Teiknimyndir, forvarnarverkefni gegn einelti
Í byrjun maí hefjast tökur á forvarnarverkefni gegn einelti í formi stuttmyndar og fara tökur fram á Hvammstanga, Laugarbakka og í nánasta umhverfi. Stefnan er að sýna stuttmyndina í grunn- og framhaldsskólum landsins með umræðutíma að sýningu lokinni. Einnig eru bundnar vonir við að stuttmyndin fái sýningu í fjölmiðlum.
Hugmyndin á rætur sínar að rekja til leiklistarnámskeiðs Halldóru Guðjónsdóttur á Unglingalandsmóti UMFÍ í ágúst 2013. Námskeiðið sóttu þau Ásdís Helga Másdóttir, Ísak Þórir Ísólfsson Líndal og Nína Guðbjörg Gunnarsdóttir. Þá hafði Halldóra verið með óljósa hugmynd að forvarnarverkefni. Á námskeiðinu kastaði hún hugmynd fram og lögðu þau höfuðin í bleyti og stóðu að lokum uppi með þessa hugmynd sem nú verður framkvæmd, að gera stuttmynd. Halldóra segir þessa hugmynd ekki hafa geta orðið til án Ásdísar, Ísaks og Nínu. Hugmyndin hefur verið í stöðugri þróun og fengu þau til liðs við sig Þórunni Guðlaugsdóttir, framleiðanda og leikkonu, og Natan Jónsson, leikstjóra og rithöfund.
Stuttmyndin, sem ber heitið Teiknimyndir, fjallar líkt og áður sagði um einelti og er sérstök áhersla lögð á neteinelti. Myndin mun sýna á einlægan og opinn hátt hvaða afleiðingar einelti getur haft í för með sér. Halldóra segir einelti hafa breyst frá því hún var sjálf í grunnskóla, nú fari einelti mikið fram á netinu sem og öðrum rafrænum miðlum. Í nútímasamfélagi er því orðið erfiðara að fylgjast með og veita aðstoð þar sem hennar er þörf. Hún segir mikilvægt að bera virðingu fyrir manneskjunni því það sjáist ekki alltaf utan á fólki hvað það er að glíma við. Boðskapur verkefnisins er því umburðalyndi og náungakærleikur.
Í aðalhlutverkum verða þau Ísak, Ásdís og Nína og fara þau með hlutverk Tristans, Vigdísar og Þuríðar í myndinni. Á síðustu vikum hafa farið fram æfingar í Grunnskóla Húnaþings vestra og er hópurinn afar þakklátur hjálpsemi Sigurðar Þórs Ágústssonar skólastjóra sem og sveitarfélaginu í heild.
Þau leita nú að nokkrum leikurum fyrir tökurnar í maí. Nemendur Grunnskóla Húnaþings vestra koma til með að leika stór hlutverk í myndinni en það á enn eftir að finna fjóra aðila til að leika foreldra sem og nokkra aðra, bæði kvenkyns og karlkyns milli tvítugs og þrítugs, til að vera með þeim einn daginn í mjög mikilvægri senu.
Áhugasömum er bent á að hafa samband á netfangið teiknimyndir@gmail.com.
Þessa dagana eru þau í mikilli leit að styrkjum þar sem verkefni af tagi kosta dágóðan pening í framleiðslu. Þeir sem hafa tök á því að veita þeim lið geta lagt inn á reikning Leikfélagsins Hamfarir sem sér um framleiðslu verkefnisins eða haft samband við þau á netfangið teiknimyndir@gmail.com.
Reikningsnúmerið er 0101-26-020140 og kennitalan er 440314-1470.
Norðanátt.is segir frá þessu.
Myndir frá æfingu:
Mynd: Norðanátt.is
Mynd: Norðanátt.is
Mynd: Norðanátt.is
Fleiri fréttir
-
Húnvetningar með hörkusigur á Snæfellsnesinu
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.06.2025 kl. 16.57Það eru ekkert allir sem sækja stig á Ólafsvíkurvöll en lið Kormáks/Hvatar gerði sér lítið fyrir og gerði einmitt það í gær þegar liðin áttust við í 5. umferð 2. deildar karla í knattspyrnu. Eitt mark dugði til og það kom um miðjan síðari hálfleik. Með sigrinum færðist lið Húnvetninga upp í fjórða sæti deildarinnar og er aðeins stigi frá liðunum í öðru og þriðja sæti.Meira -
Þriðji tapleikurinn í röð hjá Tindastólsmönnum
feykir.is Skagafjörður, Íþróttir, Lokað efni 01.06.2025 kl. 16.41Það er eitthvað bras á Tindastólsmönnum í 3. deildinni í knattspyrnu þessa dagana. Eftir fína byrjun á mótinu hafa nú tapast þrír leikir í röð en 5. umferðin var spiluð í gær. Þá héldu Stólarnir í Fífuna í Kópavogi þar sem sterkt lið Augnabliks beið þeirra. Líkt og í Mosó um daginn var fyrri hálfleikur Stólanna slæmur og það fór svo að heimamenn unnu leikinn 4-1. og skutluðu gestunum ofan í neðri hluta deildarinnar. Já og Pétur var á bekknum.Meira -
Benni Gumm kveður Stólana eftir eitt ár í brúnni
feykir.is Skagafjörður, Íþróttir, Lokað efni 31.05.2025 kl. 21.27Í tilkynningu frá körfunknattleiksdeild Tindastóls nú í kvöld segir að deiildin hafi komist að samkomulagi við Benedikt Guðmundsson um að hann haldi ekki áfram þjálfun meistaraflokks karla hjá félaginu. „Stjórn Körfuknattleiksdeildar Tindastóls þakkar Benedikt fyrir hans störf og framlag til skagfirska körfuboltasamfélagsins og óskar honum velfarnaðar í framtíðinni,“Meira -
„Það er gaman að takast á við eitthvað nýtt og spennandi“
feykir.is Skagafjörður, Mannlíf, Lokað efni 31.05.2025 kl. 19.25„Sko, það er smá saga að segja frá því. Ég er búinn að vera með Norðurslóðablæti frá því ég var púki vestur á Fjörðum og heyrði í veðurfréttum veðurskeyti frá Narsarsuaq á Grænlandi og fannst eins og það hlyti að vera draumastaður. Sem reyndist svo ekki vera, hef komið þar nokkrum sinnum,“ segir Magnús Hinriksson sem svona hversdags er starfsmaður Skagafjarðarveitna en leiðsögu- og ævintýramaður þegar færi gefst. Feykir hnusaði örlítið á Facebook og sá myndskeyti frá Magga nú nýlega þar sem hann var staddur í nágrenni við ísbirni á Svalbarða. Það var því bara eðlilegt að spyrja kappann hvað hann sé eiginlega að pæla og hvernig standi á þessu brölti í nágrenni Norðurpólsins.Meira -
Viðburðasumarið hafið á Norðurlandi vestra
feykir.is Austur-Húnavatnssýsla, Listir og menning, Mannlíf, Lokað efni 31.05.2025 kl. 16.34Það er útlit fyrir viðburðaríkt sumar á Norðurlandi vestra í sumar og má segja að viðburðasumarið hafi hafist nú um helgina. Á Blönduósi er Prjónagleðin að rokka og víða er sjómannadagurinn haldinn hátíðlegur en þó óvíða að jafn miklum myndarskap og á Skagaströnd Á viðburða- og dagskrársíðu Feykis má sjá að undibúningur er kominn á fullt fyrir hátíðahöld sumarsinsMeira
