Það reyndist erfitt að halda sterkum hópi í vetur
„Ekki okkar besta frammistaða og hefði mátt vera mikið betri. En svona er boltinn, maður vinnur og tapar, áfram gakk,“ segir Eva Rún Dagsdóttir, fyrirliði kvennaliðs Tindastóls í körfunni, aðspurð um frammistöðu Stólastúlkna í vetur, en árangur liðsins í 1. deildinni var ekki á pari við væntingar.
Liðið hafnaði í næstneðsta sæti deildarinnar, fékk tíu stig í 24 leikjum, en batamerki voru á leik liðsins eftir áramót þegar skipt var um áherslur og nýr Kani fenginn til liðsins. „Við getum ekki gert betur en okkar besta.“ segir Eva Rún. „Það er erfitt að halda uppi kvennaliði í litlum bæ úti á landi þar sem maður fær ekki mikið af íslenskum stelpum til að koma hingað og flestarheimastúlknanna fara á einhverjum tímapunkti að sinna öðrum verkefnum annars staðar. Kvennaboltinn er allt öðruvísi en karlaboltinn. Það reyndist okkur erfitt að fylla í liðið og halda sterkum hópi í vetur. Við vorum oft ekki fleiri en níu á æfingum og stundum að mæta aðeins átta í leiki. Það er ekki boðlegt fyrir meistaraflokkslið. Við tökum tímabilið með okkur í reynslubankann, lærum af mistökum og höldum áfram að bæta okkur sem leikmenn. Það gerir ekkert gagn að svekkja sig neitt.“
Var eitthvað sem kom þér á óvart í vetur? „Það sem kom mér aðalega á óvart var að við unnum ekki fleiri leiki. Við eigum roð í öll þessi lið eins og við sýndum þegar við unnum Snæfell nú á dögunum, eitt sterkasta liðið, og svo Aþenu. Þetta er svo jöfn deild og við hefðum mátt vinna fleiri leiki. Við vorum sjaldnast langt frá því, það vantaði alltaf bara eitthvað smá uppá. En eins og ég segi þá er ekkert í stöðunni nema bera höfuðið hátt og halda áfram. Við erum því miður komnar í frí en bíðum spenntar eftir að horfa á strákana okkar fara alla leið í úrslitakeppninni,“ segir Eva Rún að lokum.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.