,,Þetta getur verið spurning um líf eða dauða"
Eftir að fæðingardeildinni var lokað á Sauðárkróki fyrir um þremur árum hefur færst í aukana að barnshafandi konur fæði á leið sinni til Akureyrar. Feykir sagði frá því í síðustu viku að barn kom í heiminn í sjúkrabíl í Öxnadalnum og ekki fyrir löngu þá fæddi kona nýverið barn á bílastæðinu í Varmahlíð. Vikudagur sagði svo frá því þegar kona fæddi í miðju Dalsmynni á leið sinni frá Húsavík til Akureyrar í apríl sl.
„Þetta er hroðalegt ástand,“ segir Málfríður Þórðardóttir ljósmóðir á Akureyri, í viðtali við Vikudag.
„Þetta getur verið spurning um líf eða dauða. Fólk finnur fyrir óöryggi og veit ekki hvort það muni ná á sjúkrahús í tæka tíð. Það var t.d. par sem keyrði á 150 km hraða til Akureyrar, þar sem konan var við það að fæða í bílnum. Barnið kom í heiminn sjö mínútum eftir þau komu til okkar og foreldrarnir voru í sjokki. Þessu verður að kippa í lag, við megum ekki bíða eftir því að eitthvað hræðlilegt gerist,“ segir Málfríður.
Vegalengdin frá Sauðárkróki til Akureyrar er 120 km og tæpir 100 km eru frá Húsavík. Þeir sem koma frá Þórshöfn þurfa hins vegar að leggja á sig 250 km ferðalag. Málfríður sendi heilbrigðisráðherra bréf í síðustu viku vegna þessa máls og munu ljósmæður hitta ráðherrann á næstunni. „Hann hafði nú fyrir því að svara mér en sagði þetta vera spurningu um peninga“.
Samkvæmt tölum frá Sjúkrahúsinu á Akureyri eru fæðingar um 20% færri í ár miðað við sama tíma í fyrra. „Margar konur treysta sér einfaldlega ekki í þessa flutninga á milli staða af ótta við að barnið fæðist á leiðinni og þá áhættu sem slíku fylgir. Þeim finnst öruggara að fæða heima hjá sér.“
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
