Þriðjungur banaslysa varð á Norðvesturlandi
Við skoðun á umferðarslysum á Norðurlandi vestra á síðasta ári kemur í ljós að þriðjungur allra banaslysa á landinu varð þar en þau urðu alls tólf talsins. Eitt þeirra varð í þéttbýli, en hin þrjú á þjóðvegum. Til samanburðar varð eitt banaslys árið 2010 í þessum landshluta.
Hafa ber í huga að þessi fjöldi er þrátt fyrir allt það lítill að varast skal að draga einhverjar ályktanir út frá þessu um versnandi stöðu umferðaröryggis í þessum landshluta. Í því sambandi þarf að meta þróunina til langs tíma á heildarfjölda látinna og alvarlega slasaðra.
Færri slösuðust alvarlega í fyrra heldur en árið á undan eða 8 manns samtals, en voru 10 árið 2010. Fimm slösuðust alvarlega í akstri á þjóðvegum, en þrír í þéttbýli. Þar af var einn á Siglufirði og tveir á Sauðárkróki. Umtalsverð fækkun varð á þeim sem skilgreindir eru lítið slasaðir eða úr 81 árið 2010 í 50 á síðasta ári. 43 slösuðust utanbæjar á svæðinu og 5 innanbæjar á Sauðárkróki.
Alvarlegu slysin urðu með þeim hætti að í tveimur tilvikum var um að ræða árekstur bíls og bifhjóls, einu sinni féll maður af bifhjóli, einn ók útaf, einn lenti í reiðhjólaslysi og um var að ræða árekstur í eitt skiptið. Átta slösuðust alvarlega á svæðinu. Eðli umferðar í Húnavatnssýslum og Skagafirði hefur án efa talsverð áhrif á slys og slysahættu. Þar er mikil umferð gegnum sýslurnar milli Akureyrar og höfuðborgarsvæðisins og margir ökumenn sem þekkja aðstæður ekki vel.
Umferðarstofa vekur athygli á slysakorti sem er á vefnum www.us.is og á forsíðunni er borði sem á stendur Slysakort. Þar geta allir skoða slysastaði í sínu nærumhverfi.
/Umferðastofa
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
