Þróunar- og átaksverkefni í búskaparskógrækt í Húnaþingi vestra
Á siðasta ári tilkynnti Sigrún Magnúsdóttir, þáverandi umhverfisráðherra, um eins árs þróunar- og átaksverkefni um búskaparskógrækt í Húnaþingi vestra. Markmið þess var að bæta búsetuskilyrði og laga skógræktarverkefni að þörfum bænda. Sjö milljónir króna voru veittar til verkefnisins og var Skógræktinni falið að stýra því í samvinnu við Húnvetninga.
Sagt er frá verkefninu á vef Skógræktarinnar. Þar segir að ráðherra hafi frá upphafi lagt áherslu á að hugað yrði að ræktun skjólbeltakerfa, skjóllunda fyrir búfé, hagaskóga, landgræðsluskóga, skjólskóga, akurskóga og fjölnytjaskóga þar sem timburvinnsla yrði til viðbótar við önnur markmið. Skyldu bændur fá ráðgjöf um hvernig nýta mætti framantalda kosti til að bæta skilyrði til búsetu á jörðum sínum og kanna skyldi hvers konar breytingar væri æskilegt að gera á núverandi stuðningi við skógrækt á lögbýlum svo að skógræktarverkefni yrðu áhugaverðari fyrir bændur.
Var Sæmundi Kr. Þorvaldssyni, skógfræðingi, falið að stýra verkefninu fyrir hönd Skógræktarinnar ásamt Johan Holst, skógræktarráðgjafa, sem sér um faglegu hliðina. Unnið er í samráði við Búnaðarsamband Húnaþings og Stranda og Sveitarfélagið Húnaþing vestra.
Fjórtán umsóknir bárust um þátttöku og stefnan er að ráðast í verkefni á alls sjö jörðum. Á Lækjamóti í Víðidal og á Mýrum 3 í Hrútafirði verður ræktað skjólbeltakerfi en snjófangari á Gauksmýri í Línakradal. Á Brekkulæk í Miðfirði er efnt til nokkurs konar aukaverkefnis í tilraunaskyni þar sem rýrt holt með eldri hagaskógi hjá skógar- og sauðfjárbónda verður varið fyrir hrossabeit en ekki sauðfjárbeit.
Á tveimur stöðum verða gerðar tilraunir með hagaskógrækt, annars vegar á Fjarðarhorni í Hrútafirði á rúmlega 26 hekturum og hins vegar á 5,4 hekturum á Kolugili í Víðidal. Með hagaskógi er átt við gisinn skóg með góðum bithögum. Í þessum tilraunum verður þess freistað að koma upp lerkiskógi án friðunar fyrstu árin og munu miklir fjármunir sparast sem annars færu í girðingar, sé þetta hægt.
Þá verður gerð áhugaverð tilraun á Bakka í Víðidal þar sem gróðursettir verða nokkrir sérvaldir asparklónar í skjólbelti við tún í um 200 metra hæð yfir sjó.
Framkvæmdir eru hafnar við jarðvinnslu vegna skjólbelta á Gauksmýri og gróðursetningu í snjófangara. Gróðursetning í hagaskóginn í Fjarðarhorni er einnig vel á veg komin. Hafa bændur um allt land sýnt þessum verkefnum mikinn áhuga.
Nánar má fræðast um verkefnið á vef Skógræktarinnar.
Fleiri fréttir
-
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira -
Húni 45. árgangur kominn út
feykir.is Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 10.00Á heimasíðu USVH segir að Húni, ársrit Ungmennasambands Vestur-Húnvetninga, sé komið út, að þessu sinni 45. árgangur. Birtar eru fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.Meira -
Leiðrétting veiðigjalda mun skila sér í bættum innviðum | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 09.05.2025 kl. 18.36Mikil umræða hefur átt sér stað um frumvarp ríkisstjórnarinnar um leiðréttingu veiðigjalda, jafnt á þingi sem og úti í samfélaginu. Sjávarútvegsmál hafa alltaf kallað fram sterkar skoðanir og réttlætiskennd hjá þjóðinni, hvort sem er í umræðum um kvótakerfið, veiðigjöld, eða strandveiðar.Meira -
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum, himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira
