Tíundu bekkingar heimsækja FNV
Það hefur tíðkast á undanförnum árum að 10. bekkingar grunnskólanna á Norðurlandi vestra hafi komið í kynningarferð í Fjölbrautaskóla Norðurlands vestra. Þá hafa þau skoðað bóknámshúsið, verknámið og heimavistina. Síðan hefur náms- og starfsráðgjafi skólans ásamt aðstoðarskólameistara og fulltrúum frá nemendafélagi skólans heimsótt alla grunnskólana á svæðinu og kynnt þeim skólastarfið, þ.e. námsbrautir við skólann, inntökuskilyrði, umsóknarferli o.s.frv.
Nú í vetur kviknaði sú hugmynd innan Vinateymis Skagafjarðar að styrkja samstarf skólastiganna enn frekar og bjóða 10. bekkingum einnig að sækja tíma með nemendum Fjölbrautaskólans. Þetta var framkvæmt þannig að grunnskólanemendur gátu valið námsbraut sem þau vildu kynnast og fylgdu síðan eldri nema úr FNV, sem stundar nám á viðkomandi braut, í kennslustundir. Það má því segja að 10. bekkingar hafi fengið að upplifa það að vera framhaldsskólanemi í einn dag.
Tilgangur verkefnisins er að kynna grunnskólanemendum hvernig nám fer fram á framhaldsskólastigi og gera þeim skiptin milli skólastiga auðveldari. Öllum grunnskólum á Norðurlandi vestra var boðið að taka þátt í verkefninu og þáðu allir grunnskólarnir boðið. Nú þegar hafa nemendur frá Grunnskóla Húnaþings vestra, Grunnskólanum á Blönduósi, Höfðaskóla, Varmahlíðarskóla, Húnavallaskóla og Árskóla komið í heimsókn en einungis nemendur frá Grunnskólanum á Hofsósi eiga það eftir.
Heimsóknirnar hafa í alla staði gengið mjög vel og hafa grunnskólanemendur, nemendur við Fjölbrautaskólann og kennarar lýst yfir ánægju sinni með verkefnið.
/Vinaverkefnið.is
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
