Tómlegt skólahúsnæði
Það var heldur tómlegt um að litast í húsnæði Fjölbrautaskóla Norðurlands vestra á Sauðárkróki í morgun þegar blaðamann bar þar að garði. Fáeinir starfsmenn, sem ekki heyra undir Félag framhaldsskólakennara, eru þar að störfum en lítið fer fyrir nemendum.
Að sögn þeirra starfsmanna sem blaðamaður hitti fyrir hafa nemendur aðeins nýtt sér aðstöðu bókasafnsins til að læra og eru þá að mæta um tíuleytið á morgnana eða eftir hádegi. Starfsmennirnir voru einróma um að þeir vonuðust eftir að nemendur og kennarar kæmu sem fyrst til starfa og að vonandi myndi verkfallið ekki kosta brotfall úr skólanum.
Í dreifnáminu á Hólmavík, Hvammstanga og Blönduósi hafa nemendur mætt á staðinn og nýtt tímann til að gera eitthvað sem ekki er á stundatöflu dags daglega, enda heyra umsjónarmenn þar ekki undir Félag framhaldsskólakennara og mæta því til vinnu þrátt fyrir verkfallið. Þeir mega þó ekki sinna hefðbundinni kennslu. Þannig hafa nemendur dreifnámsins á Hvammstanga til að mynda heimsótt bæina Gauksmýri í Línakradal og Jörfa í Víðidal.
Sest var að samningaborðinu klukkan ellefu í morgun, en í dag er þriðji dagur verkfalls og svo virðist sem enn beri nokkuð á milli. Haft var eftir Ólafi H. Sigurjónssyni, formanns Félags stjórnenda í framhaldsskólum, á mbl.is í gær að málin hefðu ekki þokast áleiðis. „Ég er ekki bjartsýn á að þetta leysist á stundinni,“ sagði Aðalheiður Steingrímsdóttir, formaður Félags framhaldsskólakennara, í samtali við mbl.is áður en sest var að samningaborðinu í gærmorgun, aðspurð hvort hún teldi að verkfallinu myndi ljúka á næstunni.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
