Tónleikar með Ásgeiri Trausta á Hvammstanga
Tónlistarmaðurinn Ásgeir Trausti ætlar að halda tónleika í félagsheimilinu á Hvammstanga þann 8. júlí nk. í tilefni af því að hann sendi frá sér nýja plötu nú á vordögum.
Í samtali við Fréttablaðið í gær segir Ásgeir Trausti að það hafi fyrst verið ákveðið núna nýlega að nota fríið milli túra og halda tónleika á æskuslóðunum í Miðfirðinum. Tónleikarnir verða nokkurs konar útgáfutónleikar fyrir nýjustu plötu hans, Afterglow, sem kom út í síðasta mánuði. Þegar Ásgeir gaf út plötuna Dýrð í dauðaþögn hélt hann útgáfutónleika á Hvammstanga og segir hann að þá hafi stemmingin verið mjög góð en upp úr standi þó þakklætið sem sveitungarnir sýndu þvi ekki sé algengt að svona viðburðir séu haldnir þar. Þegar hann var að alast upp hafi ekki verið algengt að alvörutónleikar hafi verið haldnir á staðnum.
Ásgeir Trausti er nú í fríi á milli túra, hann er nýkominn frá Frakklandi þar sem hann spilaði í minni bæjum á landsbyggðinni en áður hafði hann verið í stærri Evrópureisu. Næst er svo ferðinni heitið til Frakklands aftur til að hita upp fyrir London Grammar en svo taka við ferðalög um Ástralíu, Japan og Bandaríkin þannig að í nógu er að snúast hjá Ásgeiri. „Maður vill eiginlega ekki taka frí, hausinn er alltaf í þessu. Þó að maður sé ekki að vinna vinnu sem býr eitthvað til sem maður getur haldið á þá er hausinn samt alltaf á fullu. Eins og ég segi er ég til í að taka þetta ár í að túra og hlakka mikið til,“ segir Ásgeir í viðtalinu.
Tónleikarnir á Hvammstanga eru einu tónleikar Ásgeirs Trausta hér á landi á þessu ári fyrir utan Airwavestónleikana í haust. Miðasala hófst í gær á tix.is.
Fleiri fréttir
-
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira -
Húni 45. árgangur kominn út
feykir.is Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 10.00Á heimasíðu USVH segir að Húni, ársrit Ungmennasambands Vestur-Húnvetninga, sé komið út, að þessu sinni 45. árgangur. Birtar eru fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.Meira -
Leiðrétting veiðigjalda mun skila sér í bættum innviðum | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 09.05.2025 kl. 18.36Mikil umræða hefur átt sér stað um frumvarp ríkisstjórnarinnar um leiðréttingu veiðigjalda, jafnt á þingi sem og úti í samfélaginu. Sjávarútvegsmál hafa alltaf kallað fram sterkar skoðanir og réttlætiskennd hjá þjóðinni, hvort sem er í umræðum um kvótakerfið, veiðigjöld, eða strandveiðar.Meira -
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum, himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira
