Tryggja verður samráð við heimamenn
Skipulagi heilbrigðisstofnana verður breytt til að greiða fyrir aðkomu sveitarstjórna og starfsfólks á hverju þjónustusvæði að stjórnum þeirra, fái þingsályktunartillaga nokkurra þingmanna Vinstri grænna brautargengi. Þingsályktunin er endurflutt frá fyrra þingi og Ásmundur Einar Daðason er fyrsti flutningsmaður hennar.
Lengi vel tilnefndu sveitarstjórnir á þjónustusvæði þrjá fulltrúa í fimm manna stjórn heilsugæslustöðva, svæðissjúkrahúsa, deildasjúkrahúsa og almennra sjúkrahúsa; starfsmenn tilnefndu einn og var sá fimmti skipaður af heilbrigðisráðherra án tilnefningar. Árið 2003 var lögum um heilbrigðisþjónustu breytt á þann veg að forstöðumaður stofnunarinnar hefði einn umsjón með rekstri þeirra en stjórnirnar voru lagðar niður. Þær höfðu þó aðeins verið ráðgefandi um skipulag og þjónustu stofnananna auk þess að hafa eftirlit með rekstri þeirra.
Ásmundur segir að það hafi komið glögglega í ljós eftir að fjárlagafrumvarpið var kynnt hversu vanhugsað það hafi verið á sínum tíma að afnema stjórnir heilbrigðisstofnana. Það má ekki vera mögulegt að skerða nærþjónustu í heimabyggð með því að rústa skipulagi heilbrigðisþjónustunnar án þess að heimamenn séu hafðir með í ráðum. Ef stjórnir heilbrigðisstofnana væru endurreistar þá hefði verið lögbundið að vinna slíkar tillögur í samráði við heimamenn. Ásmundur segist telja frá leitt að fjárlagafrumvarpið geti farið í gegn óbreytt hvað þessi mál snertir og að fjárlaganefnd eigi að höfðu samráði við heimamenn að endurskoða þessar niðurskurðartillögur.
Með þessari tillögu er heilbrigðisráðherra falið að undirbúa og fram lagafrumvarp sem endurreisir stjórnir heilbrigðisstofnana í svipuðum anda og fyrr. Í gegnum þær sé samráð tryggt við samfélagið og byggt á reynslu vinnustaðarins á hverjum stað
Fleiri fréttir
-
Grunnskóli Húnaþings vestra
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings sigraði í Skólahreysti í síðustu viku með 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira -
Nýtt upplýsingaskilti við kirkjugarðinn á Blönduósi
feykir.is Austur-Húnavatnssýsla, Lokað efni 05.05.2025 kl. 15.04Húnahornið segir frá því að nýtt upplýsingaskilti er komið upp við kirkjugarðinn á Blönduósi. Á skiltinu má finna nöfn þeirra sem hvíla í garðinum, fæðingarár og dánardag auk númer legstaða. Gert er ráð fyrir að skiltið verði uppfært reglulega á fimm ára fresti.Meira -
Friðrik Henrý sigraði U14 í DARTUNG sl. helgi
feykir.is Skagafjörður, Íþróttir, Lokað efni 05.05.2025 kl. 14.45Laugardaginn 2. maí fór fram önnur umferð af fjórum í DARTUNG 2025 og var það haldið í aðstöðu Pílufélags Reykjavíkur að Tangarhöfða 2 í Reykjavík. Pílukastfélag Skagafjarðar átti þar sjö flotta fulltrúa, tvær stelpur og fimm stráka, og voru það þau Arnór Tryggvi, Birna Guðrún, Daníel Smári, Friðrik Elmar, Friðrik Henrý, Gerður Júlía og Sigurbjörn Darri. Þau voru öll félagi sínu til mikillar fyrirmyndar á mótinu.Meira -
Kvikmyndin Sinners í Króksbíói í kvöld kl. 20:00
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 05.05.2025 kl. 12.37SINNERS verður sýnd í kvöld, mánudaginn 5. maí kl. 20:00. Þeir sem vilja panta miða á myndina er bent á að senda skilaboð á Facebook-síðu Króksbíós eða hringja í síma 855-5216 tveimur tímum fyrir sýningu. Myndin er bönnuð börnum yngri en 16 ára. Myndin fjallar um tvíburabræður í leit að betra lífi sem snúa aftur í gamla heimabæinn. Þar býður þeirra meiri illska en þeir hafa áður kynnst.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.