Ungum ökumönnum fer fram
Vert er að hrósa því sem vel er gert og þá má með sanni segja að ungir ökumenn eigi hrós skilið, segir í tilkynningu frá VÍS en samkvæmt tölum Umferðarstofu hefur slysatíðni aldurshópsins 17 – 20 ára, lækkað undanfarin ár og endurspeglar það tölur VÍS að mörgu leiti. -Margt spilar inn í eins og bætt ökukennsla, ökuferilsskrá og punktakerfi, bráðabirgðaskírteini, námsefni í skólum, áróður, sérstök námskeið vegna akstursbanns og fleira, segir í tilkynningunni.
Það sem vegur hins vegar þyngst er að ungir ökumenn meðtaka það sem fyrir þá er lagt og sýna meiri færni en áður. Þó er enn langt í land þar til viðunandi árangur næst.
Ef rýnt er í tölur Rannsóknarnefndar umferðarslysa um banaslys í umferðinni má sjá að flestir sem láta lífið eru í aldurshópnum 15-24ra ára og í þeim hópi eru einnig flestir þeirra sem verða valdir að slíkum slysum.
„Ungt fólk telur sig stundum vera ódauðlegt og mörgum tamur frasinn: Það kemur ekkert fyrir mig. Reynsluleysi verður hins vegar ekki vegið upp með töffara- og glannaskap. Ofurtrú á eigin ökuhæfileikum hefur leikið margan grátt og ákveðinn hópur, að mestu strákar, setur slæman stimpil á allan aldurshópinn með hraðakstri sínum.
Með því að stilla hraðanum í hóf, einbeita sér algjörlega að akstrinum, láta þrýsting frá öðrum ekki hafa áhrif á sig, aka aldrei eftir að hafa neytt áfengis og annarra vímuefna og nota bílbelti þá stíga ungir sem aldnir ökumenn stórt skref í þá átt að fækka slysunum enn frekar,“ segir ennfremur í tilkynningu frá VÍS.
VÍS hefur verið með verkefnið Ég lofa í nær mánuð á heimasíðu félagsins og á facebook síðunni Ég lofa. Yfir 2700 einstaklingar hafa skráð niður loforð sem þeir hafa lofað sér og öðrum að efna með það að markmiði að bæta sig sem þátttakanda í umferðinni.Verkefninu lýkur 17. júní en þátttakendur eru hvattir áfram til að tileinka sér það eða þau loforð sem viðkomandi setti sér.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
