Valdimar sigurvegari í fjórgangi
Óhætt er að segja að deildin fari vel af stað þetta árið því í gærkvöld var boðið uppá sterka fjórgangskeppni þar sem margar mjög góðar sýningar sáust. Umgjörð var öll hin besta og áhorfendafjöldi með mesta móti. Tónninn var strax sleginn með fyrsta hesti, þar sem Hanna Rún Ingibergsdóttir og Nótt frá Sörlatungu áttu frábæra sýningu. Nótt er mjög athyglisverður fjórgangari og reiðmennska Hönnu Rúnar til fyrirmyndar.
Valdimar Bergstað var fjórði í rásröð og var sýningar hans beðið með eftirvæntingu þar sem um frumraun hans var um að ræða með Hugleik frá Galtanesi. Valdimar mætti svellkaldur með frábæra sýningu og uppskar einkunn uppá 7,43.
Bjarni Jónasson með Roða frá Garði og Þórarinn Eymundsson með Takt frá Varmalæk brugðust ekki frekar en fyrri daginn og fóru þeir beint í A-úrslit með einkunnir yfir 7.
Það mátti heyra saumnál detta þegar Lilja Pálmadóttir kom í salinn með Móa frá Hjaltastöðum. Lilja virtist einbeitt og góð sýning skilaði þeim 7,03 í einkunn og urðu þau efst inní B-úrslit.
B-úrslitin voru skemmtileg á að horfa þar sem Anna Kristín á Glað frá Grund og Lilja Pálmadóttir með Móa virtust nokkuð jafnar en það fór svo að Lilja sigraði B-úrslitin með einkunn uppá 7,33.
Athygli vakti Moladóttirin Lipurtá frá Hóli fyrir óhemju mikinn fótaburð en knapi á henni var Baldvin Ari.
Þegar þarna var komið var ljóst að A-úrslitin yrðu mjög spennandi sem raunin varð.
Frábærar sýningar þar sem reiðmennska og góðir hestar heilluðu áhorfendur. Dómarar voru vel með á nótunum og einkunnir uppá 9,0 sáust.
Þegar á úrslitin leið var ljóst að keppnin yrði á milli Valdimars og Lilju, en þau Mói virtust vaxa við hverja raun. Að keppni lokinni voru áhorfendur ekki vissir um hver hefði unnið en þó fór það svo að Valdimar og Hugleikur höfðu sigur með einkunn uppá 7,87.
Var það mál manna að þetta hafi verið ein besta fjórgangskeppni sem sést hefur í Svaðastaðahöllinni og fóru áhorfendur ánægðir heim. Það var lið Hrímnis sem hreppti liðsverðlaunin þetta kvöld. Næsta mót verður haldið miðvikudaginn 25.febrúar þar sem keppt verður í fimmgangi.
Fleiri fréttir
-
Skagstrendingar óttast að hækkun veiðigjalda ýti undir sölu aflaheimilda frá staðnum
feykir.is Austur-Húnavatnssýsla, Lokað efni 27.05.2025 kl. 16.46Í frétt á vef SSV er sagt frá því að þegar skoðað er hvernig hækkun veiðigjalds gæti hækkað eftir stærð fiskiskipa, í veiðimagni talið, kemur í ljós að hún er hlutfallslega mest hjá þeim smæstu. Það eru þau sem veiða á bilinu 1 til 349 tonn á ári en þetta leiða útreikningar í ljós. Lítill kvóti er eftir til skiptanna á Skagaströnd og Feykir spurði Halldór Gunnar Ólafsson oddvita á Skagaströnd hvort sveitarstjórn hefði áhyggjur af hækkun veiðigjalda í ljósi þessa.Meira -
Emma og Júlía gera gott mót í Sandefjord
feykir.is Skagafjörður, Íþróttir, Lokað efni 27.05.2025 kl. 15.07Tveir keppendur frá badmintondeild Tindastóls tóku í vikunni þátt í Sandefjord Open mótinu sem fer fram í bænum Sandefjord í Noregi. Keppendur á mótinu eru 360 talsins en mótið stendur yfir í þrjá daga. Systurnar Emma Katrín og Júlía Marín tóku þátt í sex greinum, náðu í eitt gull, eitt silfur og eitt brons.Meira -
Krakkarnir brillera en reiknimeistarar klúðra
feykir.is Hr. Hundfúll 27.05.2025 kl. 13.50Herra Hundfúll fylgdist með keppni í Skólahreysti með öðru auganu nú á laugardaginn. Hann gladdist talsvert yfir gengi skólanna á Norðurlandi vestra. Varmhlíðingar voru sendir upp á svið til að taka við verðlaunum fyrir þriðja sætið en nemendur Grunnskóla Húnaþings vestra enduðu í fjórða sæti en með jafnmörg stig og Varmahlíðarskóli. En svo var farið að reikna ... aftur...Meira -
Allir með
feykir.is Skagafjörður, Austur-Húnavatnssýsla, Íþróttir, Aðsendar greinar 27.05.2025 kl. 13.26UMSS, Svæðisstöðvar íþróttahéraða og Íþróttasamband fatlaðra (ÍF) boða til vinnustofu fyrir forsjáraðila, íþróttaþjálfara, starfsfólk skóla og áhugafólk um íþróttir. Á vinnustofunni ætlum við að ræða hvernig við getum komið af stað skipulögðum æfingum eða komið fötluðum og þeim sem finna sig ekki í almennum íþróttum betur inn í það íþróttastarf sem er nú þegar í boði í Skagafirði.Meira -
Magga Steina vígð til djákna í Hóladómkirkju
feykir.is Skagafjörður, Mannlíf, Lokað efni 27.05.2025 kl. 13.05Það var merkur dagur á sunnudaginn þegar Margrét Steinunn Guðjónsdóttir var vígð til djákna í Reykjavíkurprófastdæmi vegna starfa sinna á Löngumýri við orlof eldri borgara. Í fallegri afhöfn í Hóladómkirkju, sem sr. Gísli Gunnarsson vígslubiskup leiddi, voru þjónandi prestar í Skagafirði, Anna Hulda djákni og fleiri sem tóku þátt, en sr. Bryndís Malla prófastur í Reykjavíkurprófasdæmi lýsti vígslunni.Meira
