Verðlaun fyrir frábæran árangur í sauðfjárrækt
Magnús Jósefsson og Líney Árnadóttir í Steinnesi fengu verðlaun fyrir mestar afurðir á árinu 2015, með meðalafurðir 34 kg eftir ær tveggja vetra og eldri, á árshátíð búgreinafélaganna í Austur-Húnavatnssýslu. Á árshátíðinni, sem haldin var fyrir skömmu, var bændum veitt verðlaun fyrir frábæran árangur í sauðfjárrækt á liðnu ári.
Í fréttatilkynningu á Húna.is kemur fram að besta ómmæling gimbrahjarðar árið 2015 var hjá Jóni Gíslasyni og Stellu á Stóra-Búrfelli en þar voru gimbrarnar sem skoðaðar voru með 30,2 mm að meðaltali í bakvöðva.
Hæst dæmdi lambhrútur árið 2015 var nr. 2 hjá Jóni Gíslasyni og Eline Manon Schrivjer á Hofi í Vatnsdal með 89,5 stig. Hann var undan Hnalli frá Broddanesi 12-934 og Væn 09-999.
Verðmætasta lambið árið 2015 var lamb nr. 266 hjá Sigþrúði Friðriksdóttur og Guðmundi Guðbrandsssyni á Bergsstöðum í Svartárdal. Það var 30,2 kg og fór í E3+. Merkilegast við þetta lamb er þó að það var tvílembingur undan tvævetlu, fætt 12. maí og slátrað 22. október. Lambið á móti var síðan 24,7 kg og því gríðarlegar afurðir hjá þessari ungu á.
Besti hrútur í afkvæmarannsókn árið 2015 var Goði 13-342 hjá Einari Árna Sigurðssyni og Þóru í Forsæludal með 128,9 stig. Hann átti 32 gimbrar sem voru skoðaðar og voru með 28,9 mm bakvöðva að meðaltali og 17,5 í lærastigun. Jafnframt átti hann 80 sláturlömb með fallþunga upp á 19,1 kg, gerð upp á 11 og fitu 7,5.
Fleiri fréttir
-
Skorað á ráðherra að bretta upp ermarnar við uppbyggingu verknámshúsa
feykir.is Skagafjörður, Lokað efni 23.02.2026 kl. 15.32Byggðarráð Skagafjarðar samþykkti á fundi sínum 19. febrúar sl. samhljóða áskorun til Ingu Sæland, mennta- og barnamálaráðherra, um að fylgja eftir áformum forvera síns, Guðmundur Ingi Kristinssonar, um að hefja framkvæmdir við fjóra verknámsskóla. „Óútskýrðar tafir við útboðsgögn hjá Framkvæmdasýslunni - Ríkiseignum og skortur á staðfestingu á fjármögnun framkvæmda frá mennta- og barnamálaráðuneytinu, valda því að útlit er fyrir að framkvæmdir við stækkun verknámshúss Fjölbrautaskóla Norðurlands vestra hefjist ekki á árinu 2026.“ segir í áskoruninni.Meira -
Hvað fær fólk til að vera – og hvað fær það til að snúa heim?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.02.2026 kl. 15.09Þann 10. mars fer fram ráðstefnan The Future of Rural Europe: Making migration work for regions in decline, þar sem sjónum verður beint að framtíð dreifðra byggða í Evrópu, fólksflutningum og byggðaþróun. Viðfangsefnið á ríkt erindi við umræðu um byggðafestu og jákvæða íbúaþróun hér á landi og tengist vel markmiðum um eflingu aðdráttarafls svæða, fjölbreytt atvinnulíf og sterk samfélög í landsbyggðunum, þar á meðal á Norðurlandi vestra.Meira -
Gervigreind – lykillinn að hagræðingu sveitarfélaga | Stefán Þór Stefánsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.02.2026 kl. 15.04Undanfarin ár hefur stafræn umbreyting orðið eitt helsta tæki sveitarfélaga til að mæta auknum kröfum um skilvirkni, betri þjónustu og ábyrga nýtingu fjármuna. Sú umbreyting skiptir miklu máli þegar kemur að fjármálum og forgangsröðun verkefna á sveitarstjórnarstiginu.Meira -
Mjölnir á Selfossi bauð lægst í Skagaveg
feykir.is Skagafjörður, Austur-Húnavatnssýsla, Lokað efni 23.02.2026 kl. 11.25Vegagerðin bauð í byrjun febrúar út ný- og endurbyggingu Skagavegar á um 7 km kafla auk nýbyggingar á um 0,7 km kafla á Brekknavegi. Tilboð voru opnuð þann 17. febrúar síðastliðinn og reyndist VBF Mjölnir ehf. frá Selfossi eiga lægsta tilboðið, 432,5 milljónir, sem var 91% af áætluðum verktakakostnaði Vegagerðarinnar.Meira -
Óskað eftir tilnefningum fyrir Samfélagsverðlaun Skagafjarðar
feykir.is Skagafjörður 23.02.2026 kl. 11.17Samfélagsverðlaun Skagafjarðar verða veitt í ellefta sinn á setningu Sæluviku í Safnahúsinu á Sauðárkróki sunnudaginn 12. apríl nk.Meira
