„Við ákváðum að finna okkur eitthvað að gera“
Hjónin Selma Hjörvarsdóttir og Tómas Árdal hafa búið á Sauðárkróki síðan 1996, en þau áttu engin tengsl við staðinn áður en þau fluttu þangað ásamt fjórum börnum sínum fyrir utan nokkra kunningja og vini. Í dag eiga þau og reka tvö fyrirtæki sem eru umsvifamikill í veitinga- og gistihúsageiranum á Sauðárkróki.
Fyrirtækin sem um ræðir eru annars vegar Spíra ehf. sem rekur Arctic Hotels, en undir því eru gististaðirnir hótel Miklagarður, gistiheimilið Mikligarður og Hótel Tindastól. Hins vegar Stá ehf., sem rekur veitingastaðina Ólafshús, Kaffi Krók og skemmtistaðinn Mælifell, en þær eignir og rekstur keyptu þau um síðustu áramót af þeim Kristínu Magnúsdóttur og Sigurpáli Aðalsteinssyni.
„Við höfum sagt það stundum í gegnum árin að það væru mikil samlegðaráhrif af þessum tveimur fyrirtækjum, hvort sem að þau keyptu af okkur eða við af þeim. Síðan kjaftaðist þetta svona til í haust og gekk hratt fyrir sig og um áramótin vorum við tekin við,“ útskýra Selma og Tómas. Aðspurð um framtíðarsýn fyrir rekstur veitingahúsanna segjast þau vilja komast vel inn í reksturinn áður en ráðist verði í einhverjar breytingar eða nýja stefnumótun, þangað til verði áhersla lögð á að treysta þann góða rekstur sem þau tóku við.
„Við erum með góðan kjarna af starfsfólki í báðum fyrirtækjunum sem kann vel til verka. Núna eru um 24 stöðugildi í heildina á báðum stöðum en í sumar reiknum við með að það verði 50-60,“ útskýrir Tómas. „Ég réði svo til mín mann sem ég kalla mína hægri hönd, Óla Grétar Óskarsson sem er rekstrarstjóri veitinga- og skemmtistaðanna. Hann hafði unnið hjá okkur á hótelunum í nokkur ár og einnig dálítið á Ólafshúsi þannig að hann þekkir okkur vel og hvernig við hugsum og viljum hafa hlutina.“
Við ráðningu á sumarstarfsfólki segjast þau vinna að því að það sé ýmist heimafólk eða fólk sem hafi ættartengsl við svæðið. Í því samhengi berst talið að því að bæst hafi í hóp þeirra góðu kokka sem starfa á Ólafshúsi. Sauðkrækingurinn Stefán Ingi Svansson er væntanlegur á staðinn í sumar með fjölskyldu sína. „Það er einkar ánægjulegt að fá hann til liðs við okkur og hann mun flytja hingað með eiginkonu og þrjú börn,“ segir Tómas.
Ítarlegt viðtal við Selmu og Tómas má lesa í Feyki vikunnar en þar segja þau frá bakgrunni sínum, fyrri störfum og þann viðamikla rekstur sem þau hafa ráðist í.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
