Víða verið að flýta göngum
Víða á Norðurlandi vestra eru bændur að leggja upp í göngur, um það bil 10 - 20 dögum fyrr en áætlað var, en algengustu réttardagar á svæðinu eru 6. - 7. og 14. - 15. september. Eins og fram hefur komið í fréttum hafa almannavarnir varað við óveðri á föstudag og laugardag sem útlit er fyrir að verði síst betra en hretið sem gekk yfir norðan- og norðaustanvert landið í kringum 10. september í fyrra.
Feykir hafði samband við Jónínu Stefánsdóttur, fjallaskilastjóra í fyrrum Staðarhreppi í Skagafirði, um níuleytið í morgun og spurði hana um göngur þar í sveit. „Þeim verður flýtt, það verður byrjað á morgun og haldið áfram á fimmtudag og líklega réttað á fimmtudagskvöldið, það verður þó að sjá hvernig staðan verður þegar við komum að á fimmtudagskvöldið.“ Aðspurð sagði Jónína að vel hafi gengið að manna göngur miðað við svona aðstæður.
Elín R. Líndal, sveitarstjórnarmaður í Húnaþingi vestra, segir að þar hafi sveitarstjórn og fjallskilastjórar hist í gær og hefði fjallskilastjórum verið falið að kanna stöðuna á sínum svæðum. Kallað hefði verið eftir staðarspá frá Veðurstofunni sem ætti að berast þeim nú á tíunda tímanum. Bjóst hún við að ákvörðun lægi fyrir um hádegið í dag. „Þarna er um að ræða allt að fjögurra daga göngur, á Víðidalstunguheiði er vaninn að fara upp á mánudegi og koma niður á föstudegi. Og þar og í Miðfirði og Hrútafirði er á annað hundrað manns sem þarf til að manna göngur svo það er meira en að segja það að manna göngur með litlum fyrirvara,“ sagði Elín og bætti því við ljóst að væri að það yrði alla vega ekki hreinsmalað.
Gauti Jónsson, fjallskilastjóri í Laxárdal, Langadalsfjöllum og Tröllabotnum í Austur-Húnavatnssýslu, var að leggja í göngur þegar blaðamaður hafði samband um hálftíu leytið í morgun. Sagði Gauti að merkilega vel hefði gengið að manna þær, þrátt fyrir lítinn fyrirvara. Hann reiknaði með að flestum göngum í sýslunni yrði flýtt en fjallaskilastjórar þar, eins og annars staðar á Norðurlandi, funduðu í gærkvöldi. „Einhverjir ætluðu þó að fylgjast með spám fram undir hádegi og taka ákvörðun eftir það,“ sagði Gauti.
Almennt eru bændur á svæðinu í viðbragðsstöðu og eftir því sem Feykir kemst næst munu flestir fjallskilastjórar og aðrir sem að málum koma taka ákvörðun í dag um hvort göngum verði flýtt. Eðli málsins samkvæmt situr hretið í fyrrahaust í mönnum og ekki er talið áhættunnar virði að bíða, sé útlit fyrir að verstu spár gangi eftir.
Fleiri fréttir
-
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira
