Víðförull rauðmagi með rafeindamerki
BioPol ehf á Skagaströnd og Hafrannsóknastofnun hafa átt gott samstarf um árabil, m.a. í kringum merkingar á hrognkelsum. Í mars sl. var farið í ferð í þeim tilgangi, um borð í Bjarna Sæmundssyni, og voru fjórir rauðmagar merktir með rafeindamerki frá Stjörnu Odda og þeim sleppt aftur.
Á heimasíðu BioPols segir að merki þessi safni upplýsingum um dýpi og hitastig á þeim stað þar sem einstaka fiskar hafa haldið sig. Á þann hátt geta merkin gefið mikilvægar upplýsingar um hegðun og atferli einstakra fisktegunda. Eini gallinn er að endurheimta þarf merkin til þess að hægt sé að nálgast upplýsingarnar.
„Þau merku tíðindi gerðust í byrjun apríl að einn af þessum rauðmögum birtist aftur um borð í Sigurey ST 22 frá Drangsnesi. Það er Halldóri Loga Friðgeirssyni skipstjóra og áhöfn hans að þakka að hægt var að nálgast þau forvitnilegu gögn sem hægt var að lesa af merkinu,“ segir á heimasíðunni en ekki er vitað til þess að upplýsingum varðandi ferðir rauðmaga hafi áður verið aflað með þessum hætti.
„Á línuritinu má sjá rauða línu sem endurspeglar hitastig sjávar og bláa línu sem gefur til kynna það dýpi sem fiskurinn hélt sig á. Myndin sýnir að fiskurinn hefur ferðast mjög mikið upp og niður í vatnssúlunni allt frá því að vera töluverðan tíma nánast í yfirborði og síðan niður á um 280 metra dýpi. Í lokinn má sjá að fiskurinn festist í neti á tæplega 3. metra dýpi og er síðan dreginn upp. Áhrif sjávarfalla má greina eftir að fiskurinn festist í netinu.“
Fleiri fréttir
-
Sumarsýning Heimilisiðnaðarsafnsins verður opnuð í dag
feykir.is Austur-Húnavatnssýsla, Listir og menning 07.06.2025 kl. 11.02Sumarsýning/sérsýning Heimilisiðnaðarsafnsins á Blönduósi, HALLA Hún er ég – Prjónatilveran, verður opnuð í dag, laugardaginn 7. júní kl. 15:00. Steinunn Kristín Valtýsdóttir (Dídí) mun syngja við opnunina. Þessi stund mun innihalda listamannaspjall með Höllu og tíma til að skoða sýninguna. Á sýningunni gefur á að líta nýtísku prjónaflíkur í bland við ýmiss konar veggstykki, skúlptúra og nytjahluti.Meira -
Lasagna í sparifötum og pesto | Matgæðingur Feykis
feykir.is Skagafjörður, Í matinn er þetta helst, Lokað efni 07.06.2025 kl. 10.42Svana Berglind Karlsdóttir var matgæðingur Feykis í tbl 3 á þessu ári og er hún fædd og uppalin á Króknum, er dóttir Kristínar Guðjónsdóttur og Karls Holm og systir Fanneyjar Ísfoldar, Sigfríðar Ingu og Guðjóns Sigmars. Svana er gullsmiður og er nýlega flutt til Akureyrar frá Hafnarfirði þar sem hún bjó flest sín fullorðinsár.Meira -
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira
