„Viðtökurnar hafa verið alveg framúrskarandi“
Þann 14. júní sl. voru 15 ár liðin frá því fyrsta fréttin var birt á vefmiðlinum Húnahornið, eða Húni.is. Óslitið síðan hafa verið sagðar fréttir af mannlífi, atvinnulífi, framkvæmdum og framförum í héraðinu, eflingu byggðar og öllu því sem gerir Húnavatnssýslu sérstaka að lifa og starfa í eða heimsækja sem ferðamaður. „Það hefur ýmislegt gengið á sl. 15 ár en ekkert svo stórt að það hafi haft áhrif á vinnuna við vefinn. Vissulega höfum við rætt það nokkrum sinnum hvort að komið væri nóg, hvort að þörfin væri fyrir hendi o.s.frv. en á meðan okkur finnst þetta svona skemmtilegt og við höfum tíma, þá höldum við áfram,“ sagði Ragnar Z, Guðjónsson, ábyrgðar- og fyrirsvarsmaður Húnahornsins, í samtali við Feyki.
Ragnar stofnaði Húnahornið ásamt, Guðmundi St. Ragnarssyni og Ásgeiri Haukssyni, þegar þeir félagar voru farnir að þyrsta í fréttir frá heimahögunum en þeir eru allir brottfluttir Blönduósingar.
„Hugmyndin að stofna fréttavefmiðil fyrir Blönduós og nágrenni varð til í samtali þriggja brottfluttra Blönduósinga á vormánuðum 2001 í Reykjavík. Ástæðan var sú að okkur fannst skortur á fréttum og upplýsingum um gömlu heimabyggðina okkar. Venjan var að hringja norður til ættingja og vina og spyrja frétta. Kviknaði þá hugmyndin af vefmiðli sem segði fréttir frá svæðinu svo brottfluttir Blönduósingar og aðrir sem tengdust svæðinu gætu fylgst með sem og heimamenn sjálfir auðvitað,“ rifjaði Ragnar upp.
Guðmundur Karl Ellertsson starfaði með þeim félögum fyrstu árin. Fljótlega bættist Auðunn Steinn Sigurðsson í hópinn og situr hann nú í ritstjórn miðilsins ásamt þeim Ragnari og Ásgeiri. Seinna tók Magdalena Berglind Björnsdóttir, eiginkona Auðuns, jafnframt upp pennann en hjónin eru bæði búsett á Blönduósi.
Ragnar sagði viðtökurnar við vefmiðlinum hafa verið alveg framúrskarandi og ætli það sé ekki helsta ástæðan fyrir að vefurinn sé búinn að vera í loftinu í 15 ár. Hann sagði að í fyrstu hafi þau fundið fyrir svolítilli tortryggni hjá sumum sem hafi svo horfið fljótt.
Ragnar segir nánar frá upphafsárum Húnahornsins í viðtali við Feyki sem kemur út í dag, hvernig gengið hefur að halda vefnum lifandi og frásagnir af skemmtilegum atvikum frá undanförnum 15 árum.
Fleiri fréttir
-
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira
