Vilhelm Jensen hefur hafið störf hjá SSNV
Vilhelm Ívarsson Jensen hefur verið ráðinn verkefnastjóri fjárfestinga og atvinnuþróunar hjá Samtökum sveitarfélaga á Norðurlandi vestra og efur hann þegar tekið til starfa. Hann hefur aðsetur á starfsstöð SSNV á Sauðárkróki og með ráðningu hans eru starfsmenn samtakanna nú sjö.
Á vef SSNV segir að Vilhelm leiði fjárfestingaverkefni landshlutans en í því felst að kortleggja fjárfestingatækifæri á Norðurlandi vestra, vinna að framgangi þeirra og kynna þau fyrir innlendum og erlendum fjárfestum. Það gerir hann í samstarfi við sveitarfélög, fyrirtæki og aðra hagaðila. Þá veitir hann frumkvöðlum og fyrirtækjum atvinnuráðgjöf, meðal annars um stofnun og rekstur fyrirtækja, gerð viðskiptaáætlana, fjármögnun og þróun viðskiptahugmynda.
Vilhelm er viðskiptafræðingur með BS-próf frá Háskóla Íslands. Hann hefur fjölbreytta reynslu af fjármálum, rekstri, fjárfestingartengdum verkefnum, verkefnastjórnun og viðskiptaþróun innan sprota- og vaxtarfyrirtækja á Íslandi og í Kanada. Hann hefur starfað við fjármála- og viðskiptagreiningu hjá DRW og CWP Energy í Kanada og var fjármálastjóri hjá Guide to Iceland. Reynsla hans nær meðal annars til fjárhags- og rekstrargreiningar, áætlanagerðar og innleiðingar breytinga, auk upplýsingagjafar til stjórnar, stjórnenda, fjárfesta og annarra hagaðila. Hann hefur einnig tekið þátt í viðskiptahraðli og frumkvöðlastarfi.
Í tilkynningunni segir einnig að á næstunni verði Vilhelm í sambandi við starfandi fyrirtæki á svæðinu og við sveitarfélögin á Norðurlandi vestra. „Við biðjum fólk að taka vel á móti honum. Fyrirtæki og frumkvöðlar sem vilja ræða hugmyndir eða verkefni geta einnig haft samband við hann beint á netfangið vilhelm@ssnv.is.“
Fleiri fréttir
-
Lögreglan á Norðurlandi vestra – Vegna rjúpnaveiða
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.10.2026 kl. 15.20Hinar árlegu rjúpnaveiðar eru fram undan og veiðimenn bíða þess með tilhlökkun að komast til fjalla, njóta útiverunnar og takast á við þá áskorun sem rjúpnaveiðar fela í sér. Veiðitímabilið á Norðurlandi vestra er frá 23. október – 17. nóvember. Samkvæmt lögum nr. 64/1994 um vernd, friðun og veiðar á villtum fuglum og villtum spendýrum þurfa veiðimenn að fara eftir þeim skilyrðum sem gilda um veiðar á villtum fuglum. Þeir sem stunda rjúpnaveiðar þurfa að hafa gilt veiðikort og bera það með sér á veiðum. Einnig þarf að hafa meðferðis skotvopnaskírteini.Meira -
Leikgleðin réði ríkjum – Leikfélag Sauðárkróks sýnir Bláa hnöttinn í Bifröst
feykir.is Skagafjörður, Listir og menning, Lokað efni 22.10.2026 kl. 14.45Leikfélag Sauðárkróks heldur áfram þeim góða sið að bjóða upp á barnasýningu á haustin. Segja má um nýjustu sýninguna sem frumsýnd var 16. okt. að hún sé barnasýning í orðsins fyllstu merkingu því að af tuttugu og einu hlutverki eru 19 leikin af börnum. Óþarfi er að eyða mörgum orðum um frammistöðu þessara barna öðrum en þeim að hér eru stórleikarar framtíðarinnar á ferð. Allur leikur er öruggur og glaðlegur og eitt vill blaðamaður sérstaklega nefna en framsögn var undantekningalítið góð og kom það sér vel fyrir jafn heyrnardaufan mann og hann er blessaður.Meira -
Mótvindur // Fundur um ferðaþjónustu í Norðvesturkjördæmi // Í dag kl. 17.00
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.10.2026 kl. 13.35Samtök ferðaþjónustunnar, Markaðsstofa Vesturlands og Markaðsstofa Vestfjarða boða til mikilvægs fundar um stöðu og framtíð ferðaþjónustunnar í Norðvesturkjördæmi. Fundurinn fer fram fimmtudaginn 22. október í Hjálmakletti, Menningarhúsi Borgarfjarðar í Borgarnesi, og stendur á milli kl. 17.00 - 19.00. Fundurinn verður jafnframt sendur út í beinni útsendingu á vef SAF.Meira -
Opinn fundur um vegamál hjá Rótarý
feykir.is Skagafjörður, Mannlíf 22.10.2026 kl. 11.15Rótarýklúbbur Sauðárkróks lætur sér fátt óviðkomandi en í kvöld boðar hann til opins fundar kl. 18:00 – 19:00. Fundurinn fer fram á Kaffi Krók, neðri sal. Húsið opnar kl. 17:45.Meira
