Vilja ekki sameiningu heilbrigðisstofnanna á Norðurlandi
„Byggðasamlag um menningar og atvinnumál í A-Hún. leggst eindregið gegn áformum velferðarráðuneytisins um sameiningar heilbrigðisstofnanna á Norðurlandi og skorar á velferðarráðherra að taka þær til endurskoðunar.“ Þetta kemur fram í ályktun sem sveitarfélögin í Austur-Húnvatnssýslu sendu frá sér í dag.
„Á undanförnum árum hafa áform um sameiningar verið kynntar án þess að tekist hafi að sýna fram á hagræðingu eða bætta þjónustu. Það er mat A-Húnvetninga að með sameiningu stofnana sem nú er boðuð megi búast við enn frekari skerðingu á þjónustu og starfsemi Heilbrigðisstofnunarinnar á Blönduósi sem þegar er komin að þolmörkum bæði rekstrar- og þjónustulega.
Minna má á að á síðustu árum hefur stofnunin þurft að taka á sig mikinn samdrátt í fjárveitingum með tilheyrandi áhrifum á þjónustuna og ekki síst á starfsfólk heilbrigðisstofnunarinnar. Það verður seint þakkað hversu vel starfsfólk hefur staðið sig undir því mikla álagi sem fylgt hefur niðurskurði undanfarinna ára.
Stjórn byggðasamlagsins vill minna stjórnvöld á að samkvæmt nýbirtri skýrslu Hagfræðistofnunnar Háskóla Íslands, Breytingar á fjölda ríkisstarfsmanna í kjölfar efnahagshrunsins, kemur fram að í Húnavatnssýslum og Skagafirði hefur orðið hlutfallslega mesta fækkun starfa. Þetta gerist á sama tíma og stjórnvöldum má vera ljós veik staða þessara byggða sem birst hefur mönnum um langa hríð.
Heilbrigðisþjónusta er grunnþjónusta og það er mikilvægt að tryggja það að íbúar hafi aðgang að góðri heilbrigðisþjónustu heima í héraði. Í nútímasamfélagi er hún jafnframt ein af forsendum hverrar byggðar og því er skerðing hennar niður fyrir þolmörk aðför að forsendum hvers samfélags.
Stjórn byggðasamlagsins óskar eftir fundi með velferðarráðherra til að ræða stöðu heilbrigðismála í A-Hún,“ segir í ályktuninni.
Fleiri fréttir
-
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira -
ÍBV henti Stólastúlkum úr bikarnum á sannfærandi hátt
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 16.34Það var stórleikur á Sauðárkróksvelli í dag þegar Tindastóll fékk lið ÍBV í heimsókn í átta liða úrslitum í Mjólkurbikar kvenna. Því miður áttu heimastúlkur engan stórleik og máttu sætta sig við 1-3 tap gegn Lengjudeildar-liði Vestmannaeyinga. Það má segja að lukkudísirnar hafi verið með þeim í liði en Stólastúlkur áttu sennilega sinn slakasta leik á tímabilinu og það á degi þar sem liðið hefði getað tryggt sér sæti í undanúrslitum bikarsins í fyrsta skipti í sögunni.Meira -
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Húnavatnssýslu og er giftur Stefaníu Egilsdóttur. Hann segist sjálfur vera illa grunnskólagenginn, með tæplega 600 fjár, 18 geitur, 11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira
