Viljum leggja okkar lóð á vogarskálarnar - Samstarf Olís og Björgunarbátasjóðs Húnaflóa
„Þjónustusvæði Húnabjargar telst vera mjög stórt, allur Húnaflóinn að Horni og síðan vestur á Skaga. Misjafnt er hversu margar ferðir við þurfum að fara á ári, þær eru hátt í tuttugu að meðaltali. Síðan bætast við reglulegar æfingar, enda kappkostum við að áhöfnin sé vel í stakk búin til að sinna starfi sínu og takast á við þau verkefni sem að höndum ber. Olíukostnaðurinn er stór liður rekstri skipsins og Olís hefur styrkt okkur mjög myndarlega, aðkoma fyrirtækisins hefur skipt sköpum fyrir rekstur skipsins,“ segir Reynir Lýðsson formaður Björgunarbátasjóðs Húnaflóa, sem á og rekur björgunarskipið Húnabjörgu á Skagaströnd.
Þakklætisvottur
„Við hjá Olís fylgjumst eins og allir landsmenn með því fólki sem sinnir hjálparstarfi í frístundum sínum og hefur bjargað ótal mannslífum, oft við erfiðar og hættulegar aðstæður. Rekstur björgunarskipsins Húnabjargar er gott dæmi um samheldni íbúa við Húnaflóa í þessum efnum. Adolf Berndsen - okkar maður á Skagaströnd - hefur verið ötull talsmaður Húnabjargar og bent okkur á mikilvægi þessa öfluga björgunartækis. Okkar lóð á vogarskálarnar má túlka sem þakklætisvott fyrir gott og fórnfúst starf,“ segir Jón Ólafur Halldórsson framkvæmdastjóri sölusviðs Olís.
Ekki sjálfgefið
Reynir Lýðsson segir að ágætlega hafi gengið að fjármagna útgerð Húnabjargar.
„Við njótum sem betur fer velvilja meðal almennings, fyrirtækja og stofnana. Rekstur skipsins kostar sitt og við þurfum einfaldlega að hafa allar klær úti til að ná endum saman. Það er ekki sjálfgefið að fyrirtæki á borð við Olís styrki sjóðinn svona myndarlega. Við erum þessa dagana íhuga kaup og öðru og minna björgunarskipi og bindum því vonir við áframhaldandi samstarf við Olís.“
Viljum létta róðurinn
„Ég vona sannarlega að annað björgunarskip bætist fljótlega í flotann við Húnaflóann. Með því að styrkja björgunarsveitir landsins er Olís vonandi að létta róðurinn. Samstarf fyrirtækisins og Björgunarbátasjóðs Húnaflóa hefur verið einstaklega ánægjulegt og ég bind vonir við að svo verði áfram,“ segir Jón Ólafur Halldórsson framkvæmdastjóri sölusviðs Olís.
/Viðtal: Karl Eskil Pálsson
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
